Зәбур 83:1—18
Асәфин мәзмуру.
83 Нә олар, еј Аллаһым, сүкут етмә,Сусма Илаһи, сәссиз галма!
2 Бах, дүшмәнләр күкрәјир,Сәнә нифрәт едәнләр ловғаланыр.
3 Халгына гаршы фитнә-фәсад гурурлар,Әзиз бәндәләринә гәсд һазырлајырлар.
4 Дејирләр: «Ҝәлин бу халгы јер үзүндән силәк,Исраилин ады бир дә дилә ҝәлмәсин».
5 Сәнә гаршы иттифаг бағлајыблар,Јекдил олуб мәшвәрәтләширләр:
6 Әдумун вә Исмајыл оғулларынын чадырлары, муабиләр, һәҹәриләр,
7 Ҝебал, Әмун вә Әмалик,Филишт вә бүтүн Сур ҹамааты.
8 Ашшур да онлара гошулмуш,Лут оғулларына* дәстәк олмушлар. (Селаһ)
9 Мәдјәнә етдијини,Гишон вадисиндә Сисара вә Јавинә етдијини онларын башына ҝәтир.
10 Онлар Ејн-Дорда мәһв едилди,Торпагда пејин олдулар.
11 Әсилзадәләрини Өрәб вә Зәәб кими ет,Бүтүн рәһбәрләри Зәба вә Салмун кими олсун.
12 Чүнки онлар демишдиләр: «Ҝәлин Аллаһын мәскәнини әлә кечирәк».
13 Еј Аллаһым, онлары соврулан тикан комасына,Күләјин сүпүрдүјү саман чөпүнә чевир.
14 Јанғын мешәни јандырдығы кими,Алов дағлары гарсыдығы кими,
15 Онлары туфанынла гов,Гасырғанла дәһшәтә сал.
16 Онларын үзүнү шәрәфсизлијә бүрү ки,Сәнин адыны ахтарсынлар, еј Јеһова.
17 Гој әбәдилик рүсвај олуб горхуја дүшсүнләр,Рәзил олуб мәһв олсунлар.
18 Гој инсанлар билсин ки, ады Јеһова олан Сән,Дүнјада тәк Сән уҹасан*.
