Зәбур 97:1—12
97 Јеһова падшаһ олду!
Гој јер севинсин,
Адалар шадлансын.
2 Булудлар, гаты зүлмәт Онун әтрафындадыр,Доғрулуг вә әдаләт тахтынын тәмәлидир.
3 Өнүндә алов ҝедир,Һәр тәрәфдә дүшмәнләрини јандырыб күл едир.
4 Шимшәкләри торпағы ишыгландырыр,Јер буну ҝөрүб титрәјир.
5 Дағлар мум кими әријир Јеһованын өнүндә,Худавәнди-аләмин өнүндә.
6 Ҝөјләр Онун әдаләтини бәјан едир,Халглар Онун ҹалалыны ҝөрүр.
7 Гој утансын ојма бүтләрә гуллуг едәнләр,Пуч аллаһлары илә өјүнәнләр.
Онун гаршысында әјилин, еј бүтүн аллаһлар!
8 Еј Јеһова,Һөкмләрини ешидәндә Сион севинди,Јәһуда шәһәрләри* шадланды.
9 Чунки дүнјада Һагг-Таала Сәнсән, еј Јеһова,Бүтүн аллаһлардан гат-гат уҹасан.
10 Еј Јеһованы севәнләр, пислијә нифрәт един,
О, садиг бәндәләринин ҹаныны һифз едир,Онлары писләрин әлиндән гуртарыр.
11 Салеһ адам үчүн ишыг парлады,Үрәјидүз адамлар үчүн севинҹ әләнди.
12 Еј салеһләр, Јеһова олсун севинҹиниз,Онун мүгәддәс адына шүкүр един!
Һашијәләр
^ Һәрфән: гызлары.
