Әшија 26:1—21
26 О ҝүн Јәһуда дијарында белә маһны охунаҹаг:+
«Ҝүҹлү бир шәһәримиз вар.+
Шәһәрин диварлары, сәдләри Аллаһын вердији гуртулушдур.+
2 Дарвазалары ачын,+ гој салеһ халг,Сәдагәтини горујан халг ичәри ҝирсин.
3 Сәнә там бел бағлајанлары* һифз едәрсән,Онлара түкәнмәз сүлһ бәхш едәрсән,+Чүнки Сәнә ҝүвәнирләр.+
4 Әбәди олараг Јеһоваја ҝүвәнин,+Чүнки Јаһ*, Јеһова әбәди гајадыр.+
5 О, һүндүрлүкдә, јухарыда дуран шәһәрин сакинләрини алчалтды.
Ону ашағы салыр,Ону јерә атыр.Ону тоз-торпаға туллајыр.
6 О, ајаг алтда галаҹаг,Мәзлумун, фағырын ајағы алтда».
7 Салеһин јолу доғрудур.
Сән доғру олдуғун үчүнСалеһин јолуну һамарлајарсан.
8 Еј Јеһова, һөкмләринин јолундаСәнә үмид бағлајырыг.
Арзумуздур һәмишә адын анылсын, Сән аныласан.
9 Ҝеҹәләр варлығым һәсрәтини чәкир,Руһум Сәни ахтарыр;+Јердә һөкмләрин иҹра оландаЈерин сакинләри салеһлији өјрәнирләр.+
10 Пис адама лүтф ҝөстәрилсә дә,Салеһлији өјрәнән дејил.+
Доғрулуг дијарында да пислик едәҹәк,+Јеһованын әзәмәтини ҝөрмәјәҹәк.+
11 Еј Јеһова, әлин галхыб, амма онлар ҝөрмүрләр.+
Онлар халгын үчүн ҝөстәрдијин гејрәти ҝөрәндә рүсвај олаҹаглар.
Бәли, дүшмәнләриндән өтрү јандырдығын алов онлары күлә дөндәрәҹәк.
12 Еј Јеһова, бизә сүлһү Сән бәхш едәҹәксән,+Ахы һәр бир ишимизиСән баша чатдырырсан.
13 Еј Аллаһымыз Јеһова, Сәндән башга ағалар бизә ағалыг етди,+Амма дилимиздә јалныз Сәнин адындыр.+
14 Онлары мәһв етмәк, хатирәләрини белә, јох етмәк үчүн
Онлары ҹәзаландырдын.
Онлар артыг өлүдүрләр, даһа јашамајаҹаглар.Өлүмүн дустағыдырлар, бир дә ајаға галхмајаҹаглар.+
15 Сән халгы чохалтдын, еј Јеһова,Халгы артырдын;Өзүнү шөһрәтләндирдин.+
Өлкәнин бүтүн сәрһәдләрини ҝен-ҝен ҝенишләндирдин.+
16 Еј Јеһова, башларына бәла ҝәләндә сәнә үз тутдулар.Онлары ҹәзаландыранда пычылтыјла, һәзин-һәзин дуа едирдиләр.+
17 Еј Јеһова, сән бизи доғуш санҹысы тутан,Санҹы чәкән,Ағрыдан гышгыран гадын кими етдин.
18 Һамилә идик, доғуш санҹысы чәкдик,Амма, санки, күләк доғдуг.
Нә өлкәјә гуртулуш верә билдик,Нә дә орада јашамаг үчүн өвлад доғулур.
19 «Сәнин өлүләрин јашајаҹаг.
Мәним өлүләрим* ајаға галхаҹаг.+
Галхын, севинҹ сәдалары уҹалдын,Еј торпаг алтында јатанлар!+
Сәнин шеһин сүбһ шеһинә* бәнзәјир,Јер өлүмүн дустагларыны дирчәлдәҹәк.
20 Еј халгым, ичәри отагларыныза ҝирин,Арханызҹа гапылары бағлајын.+
Гәзәб кечәнәҹән,Гыса мүддәтә ҝизләнин.+
21 Чүнки бах, Јеһова өлкәнин сакинләрини тәгсирләринә ҝөрә ҹәзаландырмаг үчүнӨз мәканындан ҝәлир.Торпаг төкүлмүш ганлары ашкар едәҹәк,Артыг өлдүрүләнләри ҝизләтмәјәҹәк».
Һашијәләр
^ Диҝәр вариант: мәтин оланлары.
^ Јеһова адынын гыса формасы.
^ Һәрфән: Мәнә мәхсус ҹәсәд.
^ Диҝәр вариант: битки (әмәкөмәҹи) үстдә шеһә.
