Әшија 31:1—9
31 Көмәк үчүн Мисирә ҝедән,+Атлара ҝүвәнән,+Ҹәнҝ арабаларынын сајына архаланан,Ҝүҹлү дөјүш атларына* бел бағлајан кәсләрин вај һалына!
Онлар Исраилин Мүгәддәсинә тәрәф бахмыр,Јеһованы ахтармырлар.
2 О, һикмәт саһибидир, бәла ҝәтирәр,Сөзүнү ҝери ҝөтүрмәз,
О, шәр иш ҝөрәнләрин евинә гаршы,Бәдәмәлләри дәстәкләјәнләрә гаршы галхар.+
3 Ахы мисирлиләр Аллаһ дејил, фани инсандыр;Атлары руһ дејил, ҹисимдир.+
Јеһова әлини узадандаКөмәк едән бүдрәјәҹәк,Көмәк алан јыхылаҹаг;Икиси дә бир јердә мәһв олаҹаг.
4 Јеһова мәнә белә деди:
«Ордулар Аллаһы ЈеһоваСион дағы вә онун тәпәси үчүн вурушмаға ҝәләндәБашына топлашмыш чобанларын сәсиндән горхмајан,Онларын һај-күјү гаршысында ҝери чәкилмәјән,Шикарынын үстүндә нәрилдәјән шир кими, ҹаван, ҝүҹлү шир кими ҝәләҹәк.
5 Ордулар Аллаһы Јеһова гуштәк шығыјыб ҝәләҹәк, Јерусәлими мүдафиә едәҹәк.+
Ону горујуб хилас едәҹәк.
Ону һифз едиб гуртараҹаг».
6 «Еј Исраил әһли, гудурғанҹасына аси чыхдығыныз Кәсә тәрәф гајыдын.+
7 Чүнки о ҝүн һәр кәс өз әлләринин иши олан, ҝүмүшдән, гызылдан дүзәлдилмиш пуч аллаһларыны рәдд едәҹәк.
8 Ашшурлу гылынҹдан өләҹәк, амма инсан гылынҹындан јох,Гылынҹын ағзына дүшәҹәк, амма инсан гылынҹынын јох.+
Гылынҹдан гачаҹаг,Ҹаванлары көлә едиләҹәк.
9 Гајасы дәһшәтдән јоха чыхаҹаг,Әјанлары бајрағы ҝөрәндә ҹанларына вәлвәлә дүшәҹәк».Чырағы Сионда, оҹағы Јерусәлимдә олан Јеһова белә бәјан едир.
Һашијәләр
^ Јахуд сүвариләрә.
