Әшија 39:1—8
-
Бабилдән ҝәлмиш елчиләр (1—8)
39 Бабил падшаһы Баладан оғлу Мәрдук-Баладан Һизгијјәнин хәстәләндијини вә сонра сағалдығыны ешидиб она мәктублар вә һәдијјәләр ҝөндәрди.+
2 Һизгијјә елчиләрә үрәкдән хошҝәлдин еләди, хәзинәсини+ — гызыл-ҝүмүшү, балзамы, башга баһалы јағлары, бүтүн ҹәббәханасыны вә хәзинәсиндә олан һәр шеји онлара ҝөстәрди. Евиндә вә бүтүн сәлтәнәтиндә елә шеј галмады ки, онлара ҝөстәрмәсин.
3 Әшија пејғәмбәр Һизгијјә падшаһын јанына ҝәлиб сорушду: «Бу адамлар һарадан ҝәлмишдиләр? Нә дедиләр?» Һизгијјә деди: «Узаг дијардан, Бабилдән ҝәлмишдиләр».+
4 Әшија сорушду: «Сарајында нәләри ҝөрдүләр?» Һизгијјә деди: «Һәр шеји. Хәзинәмдә онлара ҝөстәрмәдијим шеј галмады».
5 Әшија деди: «Ордулар Аллаһы Јеһованын сөзүнү динлә.
6 “Елә ҝүн ҝәләҹәк ки, сарајындакы һәр шеји, ата-бабаларынын бу ҝүнә гәдәр јығдығы нә варса, Бабилә апараҹаглар. Һеч нә галмајаҹаг,+ — дејир Јеһова.+ —
7 Сәндән төрәјәҹәк оғулларындан да бәзиләрини апараҹаглар. Онлар Бабил падшаһынын сарајында сарај мәмуру олаҹаглар”».+
8 Һизгијјә Әшијаја деди: «Јеһованын дедији бу сөз һагдыр». Сонра әлавә етди: «Чүнки мәним дөврүмдә сүлһ, әмин-аманлыг олаҹаг».+
