Әшија 54:1—17
54 Јеһова белә дејир: «Еј дүнјаја өвлад ҝәтирмәмиш сонсуз гадын, севин, ҹуша ҝәл!+
Еј доғуш санҹысы чәкмәмиш гадын,+ шадлан, шаграг сәсин ҝәлсин,+Чүнки атылмыш гадынын оғулларыӘрли гадынын оғулларындан чохдур.+
2 Чадырыны бөјүт,+
Мәскәнинин өртүјүнү бөјүк ач.
Үрәкли ол, чадырынын ипләрини узат,Мыхларыны јерә мөһкәм чал.+
3 Сән саға-сола шахәләнәҹәксән.
Өвладларын халглары әлә кечирәҹәк,Бош галмыш шәһәрләрдә мәскунлашаҹаглар.+
4 Горхма,+ биабыр олмајаҹагсан,+Өзүнү һәгир тутма, мәјус олмајаҹагсан.
Сән ҹаванлығынын хәҹаләтини унудаҹагсан,Дуллуғунун рүсвајчылығыны јада салмајаҹагсан».
5 Аллаһын белә дејир: «Чүнки сәнин әрин*+ Улу Јараданындыр+,Ады ордулар Аллаһы Јеһовадыр.Гуртарыҹын+ Исраилин Мүгәддәсидир.
О, бүтүн дүнјанын Аллаһы адланаҹагдыр.+
6 Јеһова сәни атылмыш, дәрдли гадынтәк,+Ҹаванлыгда әрдә олуб сонрадан атылмыш гадынтәк чағырды».
7 «Мән сәни гыса бир мүддәтә атмышдым,Лакин бөјүк мәрһәмәтлә топлајыб ҝери ҝәтирәҹәјәм.+
8 Бир анлыға ҹошгун гәзәблә сәндән үз чевирмишдим,+Лакин түкәнмәз мәһәббәтлә сәнә мәрһәмәт едәҹәјәм».+ Сәнин гуртарыҹын+ Јеһова белә дејир.
9 «Мән буну Нуһун дөврүнә бәнзәдирәм.+
Нуһун суларынын бир даһа јери басмајаҹағына анд ичдијим кими,+Инди дә анд ичирәм ки, сәнә бир дә гәзәбләнмәјәҹәјәм, сәни тәнбеһ етмәјәҹәјәм.+
10 Дағлар јериндән галхса да,Тәпәләр јериндән сарсылса да,Мәһәббәтим үстүндән галхмајаҹаг,+Сүлһ әһдим јериндән сарсылмајаҹаг».+ буну сәнә мәрһәмәт едән Јеһова дејир.+
11 «Еј туфана дүшмүш, тәсәлли алмамыш,+ башы бәлалы гадын,+Дашларыны јахшы палчыгла һөрүрәм,Тәмәлини ҝөј јагутдан гојурам.+
12 Гала дишләрини јагутдан,Дарвазаларыны бәрг вуран даш-гашдан,Сәрһәдләрини ләл-ҹәваһиратдан тикәҹәјәм.
13 Бүтүн оғулларын Јеһовадан елм алаҹаг,+Оғулларынын әмин-аманлығы битиб-түкәнмәјәҹәк.+
14 Салеһликдә бәргәрар олаҹагсан.+
Зүлмдән узаг олаҹагсан.+Горху, дәһшәт үчүн бир сәбәб олмајаҹаг,Онлар артыг сәнә јахын ҝәлмәјәҹәк.+
15 Кимсә сәнә һүҹум етсә,Бил ки, бу, Мәндән дејил.
Сәнә һәмлә едән мәғлуб олаҹаг».+
16 «Көзү үфүрәрәк силаһДүзәлдән устаны Мән јаратдым.Дағыдыб виран гојан адамы
Да Мән јаратдым.+
17 Сәнә гаршы дүзәлдилән һеч бир силаһ кара ҝәлмәјәҹәк,+Мәһкәмәдә әлејһинә галхан һәр дили һагсыз чыхараҹагсан.
Јеһованын гулларынын ирси будур,Онларын салеһлији Мәндән ҝәлир», — дејә Јеһова бәјан едир.+
Һашијәләр
^ Јахуд аған.
