Әшија 56:1—12
56 Јеһова белә дејир:
«Һаггы горујун+, салеһ ишләр ҝөрүн.Чүнки ниҹатым јахындадыр,Әдаләтим әјан олаҹаг.+
2 Бунлара әмәл едән,Бунлардан бәрк-бәрк јапышан бәндә нә бәхтијардыр.О бәндә ки, шәнбәјә риајәт едир, ону ләкәләмир,+Әлини һеч бир пислијә булашдырмыр.
3 Гој Јеһованын әтәјиндән јапышмыш јаделли+“Јеһова мәни халгындан ајыраҹаг” демәсин.
Хәдим “мән гуру бир ағаҹам” демәсин».
4 Шәнбәләримә риајәт едән, Мәнә хош шејләри сечән, әһдимә бағлы галан хәдимләрә Јеһованын сөзү будур:
5 «Мән онлара оғулдан, гыздан үстүн бир шеј верәҹәјәм,Евимдә, диварларымын арасында онларын абидәси, ады олаҹаг.
Онлара өлмәз,Әбәди ад верәҹәјәм.
6 Гуллуг етмәк үчүн Јеһованын әтәјиндән јапышан,Јеһованын адыны севән,+Онун гулу олан,Шәнбәјә риајәт едиб ону ләкәләмәјән,Әһдимә бағлы галан јаделлиләрә ҝәлинҹә,
7 Онлары да мүгәддәс дағыма ҝәтирәҹәјәм,+Дуа евимдә онлары севиндирәҹәјәм.
Гурбанҝаһымын үстүндә ҝәтирдикләри гурбанлар, јандырма гурбанлары гәбул олунаҹаг.
Чүнки Мәним евим бүтүн үммәтләрин дуа еви адланаҹаг».+
8 Исраилин сәпәләнмиш өвладларыны топлајан Күлли-Ихтијар Јеһова бәјан едир:+
«Мән топланмышларын јанына башгаларыны да топлајаҹағам».+
9 Еј мәскәни чөлләр, мешәләр олан вәһши һејванлар,Јемәјә ҝәлин.+
10 Ҝөзәтчиләр кордур,+ һеч бири һеч нә ҝөрмүр.+
Һамысы һүрә билмәјән, лал итләрдир.+
Онлар узаныб ләһләјирләр, мүрҝү вурмағы севирләр.
11 Онлар аҹҝөз көпәкләрдир,Дојмаг билмирләр.
Онлар надан чобанлардыр.+
Һәрәси өз јолу илә ҝедир,Һәрәси һарам газанҹ далынҹа дүшүр,
12 Дејир: «Ҝәл шәраб ҝәтирим, бәс гәдәр ичәк.+Сабаһ да буҝүнкү кими олаҹаг,
Һәлә бундан да јахшы олаҹаг!»
