Әшија 57:1—21
57 Салеһ адам мәһв олур,Мәһәл гојан јохдур.
Садиг адамлар ҝөтүрүлүр*,+Амма дәрк едән јохдур ки,Салеһ инсан бәлаја ҝөрә* ҝөтүрүлдү.
2 О, динҹлијә говушур.
Доғрулугла јеријәнләрин һамысы өз јатағында* јатыр.
3 «Сиз исә, еј ҹадуҝәр гадынын оғуллары,Еј, зинакарын,Фаһишәнин балалары, јахын ҝәлин.
4 Кими мәсхәрәјә гојурсунуз?
Кимә ағзынызы јекә ачыб дил чыхарырсыныз?
Сиз ки асилик өвлады,Јалан нәслисиниз,+
5 Нәһәнҝ ағаҹлар арасында,+Ҝур јарпаглы һәр ағаҹын алтында шәһвәтлә аловлананлар,+Дәрәләрдә, гаја ојугларындаҮшаглары кәсәнләр нәслисиниз.+
6 Сәнин пајын дәрәнин шүмал дашлары арасындадыр.+
Бәли, пајын бунлардыр.
Чүнки шәраб тәгдимәсини онларын өнүндә төкүрсән.+
Инди буна бахыб разы галмалыјам?
7 Јатағыны јүксәк, уҹа дағда салырдын,+Гурбан ҝәтирмәк үчүн ора галхырдын.+
8 Рәмзини гапынын, јан тахтанын архасында гојмушдун.
Мәни атмышдын, әјнини сојунмушдун.Јухары галхыб јатағыны ҝениш ачырдын.
Онларла әһд бағламышдын.
Онларла бир јатагда јатмағы севирдин,+Ҝөзүнү онларын ҹинсијјәт үзвүнә дикиб бахырдын*.
9 Мәликин* јанына јағла,Чохлу әтирлә дүшүрдүн.
Елчиләрини узаглара ҝөндәрирдин.Беләҹә, Мәзара* енмишдин.
10 Чохсајлы јолларында һеј әлләширдин,Һеч демәдин “ахы бу, мәнасыздыр”.
Ҝүҹүнү тәзәләјирдин.
Одур ки, јорулмаг билмирсән.
11 Кимдән хофланмышдын,Кимдән горхуб јалан данышмаға башламышдын?+
Мәни јада салмырдын.+
Һеч нәјә мәһәл гојмурдун.+
Мән динмәдим, һеч нә етмәдим,+
Она ҝөрә Мәндән горхмурдун.
12 Мән сәнин “салеһлијини”, ишләрини фаш едәҹәјәм,+Онларын сәнә хејри дәјмәјәҹәк.+
13 Имдад диләјәндәДәст-дәст бүтләрин сәни хилас етмәјәҹәк.+
Онларын һамысыны күләк совураҹаг,Јүнҝүл меһ әсиб онлары апараҹаг.Мәнә пәнаһ ҝәтирән исә дијары мирас алаҹаг,Мүгәддәс дағыма саһиб олаҹаг.+
14 Онда дејәҹәкләр: “Тикин, јолу тикин! Јол һазырлајын!+
Халгымын јолундакы манеәләри ҝөтүрүн!”»
15 Әбәди вар олан,+ исми мүгәддәс олан,+Уҹа, Улу Танры белә дејир:
«Мәним мәскәним јүксәк, мүгәддәс јердәдир.+Һәм дә мәзлум, фағыр адамларын арасындадыр ки,Фағырын руһуну дирчәлдим,Зүлм чәкәнләрин гәлбини дирилдим.+
16 Даим чәкишмәјәҹәјәм,Сонсузадәк гәзәбләнмәјәҹәјәм,+Јохса инсанын руһу зәифләјәр,+Нәфәси олан мәхлуглар тагәтдән дүшәр.
17 Онун һарам газанҹ далынҹа дүшдүјүнә гәзәбләнмишдим,+Бу ҝүнаһа ҝөрә ону вурдум, ондан үз дөндәрдим, она һиддәтләндим.
Амма о, јенә дә хаинлијиндән әл чәкмәди,+ үрәји чәкән јолла ҝетди.
18 Онун јолларындан аҝаһам,Лакин она шәфа верәҹәјәм,+ бәләдчилик едәҹәјәм,+Өзүнә дә,+ јас тутанларына да тәсәлли верәҹәјәм».+
19 «Мән дил бәһрәси һасил едирәм.
Һәм узагда, һәм јахында олана битмәз сүлһ бәхш едиләҹәк,+Мән она шәфа верәҹәјәм», — дејир Јеһова.
20 «Пис адамлар исә чалхаланан, сакитләшмәк билмәјән,Сулары јосуну, лили үзә галдыран дәниз кимидир.
21 Шәр адамлар сүлһ ҝөрмәјәҹәк», — дејир Аллаһым.+
Һашијәләр
^ Өлүм мәнасында.
^ Диҝәр вариант: бәладан.
^ Јәни гәбирдә.
^ Ҝөрүнүр, бурада сөһбәт бүтләрә ибадәтдән ҝедир.
^ Диҝәр вариант: падшаһын.
