Әшија 64:1—12
64 Каш ҝөјләри јарыб ашағы енәјдин,Дағлар өнүндә ләрзәјә ҝәләрди,
2 Санки, алов коллуғу јандырар,Од сују гајнадарды.Онда адын дүшмәнләринә ашкар оларды,Халглар өнүндә тир-тир әсәрди!
3 Сән ағлымыза ҝәлмәјән мөһтәшәм ишләр ҝөрәндә,+Ашағы енәндә дағлар өнүндә ләрзәјә ҝәлди.+
4 Сәнә бәнзәр башга Аллаһ јохдур ки,Она тәвәккүл едәнләр уғрунда һәрәкәтә кечсин.Та гәдимдән бәри бу ҹүр Аллаһы нә ҝөрән, нә дә һаггында ешидиб-билән олмајыб.+
5 Сән һагг иши севинҹлә ҝөрәнләрә,Сәни унутмајыб јолунла ҝедәнләрә јар олдун.+
Биз ҝүнаһдан әл чәкмәјәндә гәзәбләндин,+Узун-узады бу јолла ҝетдик.
Бундан сонра неҹә хилас оларыг?
6 Биз һамымыз мурдар олмушуг,Бүтүн саваб әмәлләримиз ајбашы әскисинә бәнзәјир.+
Һамымыз јарпаг кими гурујуб ҝедәҹәјик,Ҝүнаһларымыз күләктәк бизи совураҹаг.
7 Адыны чағыран бир кимсә јохдур,Әтәјиндән јапышмаға ҹан атан јохдур.Үзүнү биздән чевирмисән,+Тәгсиримизә ҝөрә бизи әридирсән.
8 Јенә дә, еј Јеһова, Атамыз Сәнсән,+
Биз ҝилик, Сәнсә дулусчумуз,+Биз Сәнин әлләринин ишијик.
9 Еј Јеһова, бәрк гәзәбләнмә,+Тәгсиримизи даима јадында сахлама.
Нә олар, бизә нәзәр сал, ахы биз Сәнин халгыныг.
10 Мүгәддәс шәһәрләрин сәһралыға,
Сион чөл-бијабана дөнүб,Јерусәлим бомбош галыб.+
11 Ата-бабаларымызын Сәни мәдһ етдикләри јерә,Мүгәддәс вә шанлы мәбәдимизә од вурулуб.+Бизә әзиз нә вардыса, хараба галыб.
12 Еј Јеһова, бүтүн бунлары ҝөрүб јенә дә дадымыза чатмајаҹагсан?
Сусуб бизә бу мәшәггәти чәкдирәҹәксән?+
