«Ҝөзәтчи гүлләси»нин сон сајларыны диггәтлә охумусунузса, ашағыдакы суаллара ҹаваб вермәјә чалышын.

Јенијетмә өвладыны Јеһованын јолунда тәрбијә етмәјә валидејнләрә нә көмәк едә биләр?

Валидејнләр јенијетмә өвладларыны севмәли вә тәвазөкар олдугларыны әмәлләриндә ҝөстәрмәлидирләр. Онлар һәмчинин анлајышлы олмалы вә өвладларыны баша дүшмәјә чалышмалыдырлар (w15 15/11 с. 9—11).

Данышмаздан өнҹә нәләри нәзәрә алмалыјыг?

Әҝәр дилимизлә хејир ҝәтирмәк истәјириксә, үч амили нәзәрә алмалыјыг: 1) нә вахт данышмағы (Ваиз 3:7); 2) нәји данышмағы (Мәс. 12:18); вә 3) неҹә данышмағы (Мәс. 25:15) (w15 15/12 с. 19—22).

Мәсиһи һансы надүрүст һәрәкәтләрә јол вермәмәлидир?

Мәсиһиләр јалан данышмамалы вә һеч кимә бөһтан атмамалыдырлар. Киминсә адыны ләкәләјән мәкрли сөзләр сөјләмәмәли, фырылдагчылыға вә оғурлуға әл атмамалыдырлар (wp16.1 с. 5).

Мүгәддәс Китабдакы «бөјүк каһинләр» ифадәси кимләрә аид едилирди?

Чох еһтимал ки, «бөјүк каһинләр» ифадәси каһинлијин әсас үзвләринә, һәмчинин каһинликдән кәнар едилән кечмиш бөјүк каһинләрә шамил олунурду (wp16.1 с. 10).

Символлардан гәбул едәнләрлә неҹә давранмаг лазымдыр?

Мәсиһиләр символлардан гәбул едәнләри уҹалтмамалыдырлар. Әсл мәсһ олунмуш өзүнә гаршы хүсуси мүнасибәт ҝөзләмир вә мәсһ олунмуш олдуғуну ҹар чәкмир (Мәт. 23:8—12) (w16.01 с. 23, 24).

Ибраһим пејғәмбәр нәјин сајәсиндә Аллаһла дост олду вә биз бундан нә өјрәнирик?

Ибраһим пејғәмбәр Аллаһ һагда билик алмышды вә ҝөрүнүр, билдикләрини Самдан өјрәнмишди. Аллаһын онунла вә аиләсилә неҹә давранмасы Ибраһим пејғәмбәрә тәҹрүбә газандырмышды, јәни Аллаһы танытдырмышды. Биз дә ондан өрнәк ҝөтүрмәлијик (w16.02 с. 9, 10).

Мүгәддәс Китаб фәсилләрә вә ајәләрә неҹә бөлүнүб?

Ерамызын XIII әсриндә Стефан Лангтон адлы дин хадими Мүгәддәс Китабы фәсилләрә бөлмүшдү. Јәһуди чапчылары Төвраты ајәләрә бөлмүшдүләр. Сонралар исә XVI әсрдә Роберт Естјен адлы алим Инҹили ајәләрә бөлмүшдү (wp16.2 с. 14, 15).

Шејтан Исаны сынаға чәкәндә ону мәбәдә ҝәтирмишди?

Буну дәгиг дејә билмәрик. Мәтта 4:5 вә Лука 4:9 ајәләриндә јазыланлары белә баша дүшмәк олар: Иса ја ҝөрүнтүдә мәбәдә апарылмышды, ја да мәбәд әразисиндәки һансыса һүндүр тикилинин башында дурмушду (w16.03 с. 31, 32).

Неҹә едә биләрик ки, хидмәтимиз шеһ кими олсун?

Шеһ тәдриҹән әмәлә ҝәлир. О тәравәт ҝәтирир вә јашадыр. Шеһ Аллаһдан немәтдир (Ган. 33:13). Јеһованын хидмәтчиләринин үмуми әмәји дә ејни бәһрәни ҝәтирир (w16.04 с. 4).