«Ҝөзәтчи гүлләси»нин сон сајларыны диггәтлә охумусунузса, ашағыдакы суаллара ҹаваб вермәјә чалышын.

Һансы дөрд үсулун васитәсилә нәғмәләри шөвглә охумағы өјрәнә биләрик?

Нәғмә китабыны јухары тутараг гамәтимизи дикәлдә биләрик. Дүзҝүн нәфәс алмалыјыг. Ағзымызы ҝениш ачсаг, уҹадан охуја биләҹәјик (w17.11 с. 5).

Исраилдә сығынаҹаг шәһәрләрин һарада јерләшмәсиндә вә һәмин шәһәрә апаран јолларда диггәтәлајиг олан нәдир?

Өлкәнин мүхтәлиф јерләриндә алты сығынаҹаг шәһәри ајрылмышды. Бу шәһәрләрә апаран јоллар јахшы вәзијјәтдә иди. Бунун сајәсиндә тәгсиркар тез вә раһат бир шәкилдә гачыб бу шәһәрләрдән биринә сығына биләрди (w17.11 с. 14).

Нә үчүн Аллаһын Иса Мәсиһ васитәсилә өдәдији фидјә һәдијјәси алдығымыз ән дәјәрли һәдијјәдир?

Инсанын әбәди јашамаг арзусу вар, һәмчинин һәр биримиз ҝүнаһ вә өлүмүн көләлијиндән гуртулмаға еһтијаҹ дујуруг. Фидјә әнамы бүтүн бунлары мүмкүн етди. Адәмин өвладларына дујдуғу мәһәббәтдән ирәли ҝәләрәк биз һәлә ҝүнаһлы икән Аллаһ Иса Мәсиһи уғрумузда гурбан верди (wp17.6 с. 6, 7).

Зәбур 118:22 ајәси Мәсиһин дирилмәсинә неҹә аиддир?

Исаны Мәсиһ олараг гәбул етмәдиләр вә ону өлдүрдүләр. «Күнҹүн әсас дашы» олмасы үчүн о, дирилмәли иди (w17.12 с. 9, 10).

Мәсиһин нәсил шәҹәрәси јалныз илк оғуллуг һаггы олан кишиләрдәнми ибарәт иди?

Мәсиһин нәсил шәҹәрәсинә илк доғулан оғлан ушаглары дахил олса да, онун шәҹәрәси јалныз илк оғуллуг һаггы олан инсанлардан ибарәт дејилди. Мәсәлән, Давуд Јәссәнин илк оғлу дејилди, бунунла белә, Мәсиһ онун нәслиндән ҝәлди (w17.12 с. 14, 15).

Мүгәддәс Китабда һансы тибби мәсләһәтләр вар?

Мусанын ганунуна әсасән, мүәјјән хәстәликләрә тутулан инсанлар дүшәрҝәдән тәҹрид олунмалы иди. Ганунда бујрулурду ки, ҹәсәдә тохунан инсан јујунмалыдыр. Ганунда һәмчинин инсан нәҹисинин јох едилмәси илә бағлы санитарија гајдалары јер алырды. Оғлан ушағы дүнјаја ҝәләндә сәккизинҹи ҝүн сүннәт олунмалы иди. Чүнки бу заман ганын лахталанмасы нормал сәвијјәјә чатыр (wp18.1 с. 7).

Нәјә ҝөрә мәсиһинин өзүнә сағлам севҝи бәсләмәси гәбаһәт дејил?

Биз јахынымызы өзүмүзү севдијимиз кими севирик (Марк 12:31). «Әр арвадыны өз бәдәнини севдији кими севмәлидир» (Ефес. 5:28). Лакин инсанын өзүнә олан севҝиси худбинлијә чеврилә биләр (w18.01 с. 23).

Һансы аддымлар руһани ҹәһәтдән инкишаф етмәјә көмәк едир?

Биз Аллаһын Кәламыны мүталиә едиб охудугларымыздан нәтиҹә чыхармалы вә өјрәндикләримизи һәјатымызда тәтбиг етмәлијик. Һәмчинин имкан вермәлијик ки, мүгәддәс руһ зеһнимизә вә үрәјимизә тәсир етсин. Бундан әлавә, башгаларынын көмәјини гәбул етмәлијик (w18.02 с. 26).

Нә үчүн астролоҝија вә фалчылыг ҝәләҹәји өјрәнмәк үчүн етибарлы мәнбә дејил?

Бунун бир чох сәбәби вар. Амма ән башлыҹа сәбәби одур ки, Мүгәддәс Китабда һәр икиси мүһакимә олунур (wp18.2 с. 4, 5).

Гонаг ҝәләҹәјимизә сөз вермишиксә, неҹә давранмалыјыг?

Кимәсә гонаг ҝәләҹәјимизә сөз вермишиксә, вердијимиз сөзүн үстүндә дурмалыјыг (Зәб. 15:4). Ҹидди сәбәб олмадан ҝетмәмәк дүзҝүн дејил. Јәгин ки, бизи гонаг чағыран адам артыг һазырлыг ҝөрүб (w18.03 с. 18).

Мәсул гардашлар Тимутидән һансы саһәләрдә өрнәк ала биләр?

Тимути диндашларынын гејдинә галыр, руһани ишләри өн плана гојур, хидмәтә ҹан јандырырды. Һәмчинин өјрәндикләринә әмәл едир, һәмишә өз үзәриндә ишләјирди. Тимути Јеһованын ҝүҹүнә архаланырды. Һәм ағсаггаллар, һәм дә диҝәрләри Тимутидән өрнәк ала биләр (w18.04 с. 13, 14).