Бу схемдәки бәзи пејғәмбәрликләр ејни заман кәсијиндә јеринә јетиб. Бу пејғәмбәрликләрин һамысы ахырзаманда јашадығымызы сүбут едир (Дән. 12:4)

• Ајәләр: Вәһј 11:7; 12:13, 17; 13:1—8, 12

  Пејғәмбәрлик. «Вәһши һејван» әсрләрдир дүнјаны идарә едир. Ахырзаманда онун једдинҹи башы јараланыр. Сонра бу баш сағалыр вә «бүтүн бәшәр» вәһши һејванын ардынҹа ҝедир. Шејтан вәһши һејван васитәсилә мәсһ олунмуш мәсиһиләрдән «галанлара» гаршы вурушур.

  Иҹрасы. Дашгындан сонра Јеһованын дүшмәнләри һакимијјәт сүрмәјә башлады. Әсрләр сонра, Биринҹи Дүнја мүһарибәси әрзиндә Британија империјасы һәдсиз дәрәҹәдә зәифләди. Бирләшмиш Штатларла иттифага ҝирәндән сонра исә јенидән ҝүҹләнди. Хүсусилә дә ахырзаманда Шејтан бүтүн һөкумәтләрдән истифадә едәрәк Аллаһын халгыны тәгиб едир.

• Ајәләр: Дән. 11:25—45

  Пејғәмбәрлик. Ахырзаман әрзиндә шимал падшаһы илә ҹәнуб падшаһы арасында рәгабәт ҝедир.

  Иҹрасы. Алманија вә Инҝилтәрә-Америка империјасы бир-бирилә вурушду. 1945-ҹи илдә Совет Иттифагы вә мүттәфигләри шимал падшаһы олду. 1991-ҹи илдә Совет Иттифагы деврилди, бир мүддәт сонра Русија вә мүттәфигләри шимал падшаһы олду.

• Ајәләр: Әшј. 61:1; Мәл. 3:1; Лука 4:18

  Пејғәмбәрлик. Јеһова Падшаһлыг гурулмаздан өнҹә «јолу һазырла»маг үчүн елчисини ҝөндәрир. Елчи «һәлимләрә мүждә» вермәјә башлајыр.

  Иҹрасы. 1870-ҹи илдән етибарән Чарлз Тејз Рассел вә јолдашлары Мүгәддәс Китаб һәгигәтләринә ајдынлыг ҝәтирмәк үчүн ону ҹидди-ҹәһдлә арашдырмаға башладылар. 1881-ҹи илдә онлар баша дүшдүләр ки, Аллаһын хидмәтчиләри тәблиғ етмәлидир. Буна ҝөрә дә «1000 тәблиғчи лазымдыр» вә «Мүждәчилик иши үчүн мәсһ едилмишләр» адлы мәгаләләр нәшр етдиләр.

• Ајәләр: Мәт. 13:24—30, 36—43

  Пејғәмбәрлик. Дүшмән буғданын арасына алаг тохуму сәпир. Бичин дөврүнә гәдәр алаг отунун бөјүмәсинә вә буғданы ҝизләтмәсинә изин верилир. Бичин вахты алаг отлары буғдаларын арасындан јығылыр.

  Иҹрасы. 1870-ҹи илдән һәгиги мәсиһиләрлә сахта мәсиһиләр арасындакы фәрг даһа ајдын ҝөрүнүр. Ахырзаманда һәгиги мәсиһиләр јығынҹаға топланыр, сахта мәсиһиләрдән ајрылыр.

• Ајәләр: Дән. 2:31—33, 41—43

  Пејғәмбәрлик. Мүхтәлиф металлардан ибарәт һејкәлин ајаглары дәмир вә ҝил гарышығындан ибарәтдир.

  Иҹрасы. Ҝил Британија вә Америка дөвләтләринин табелијиндә олуб һөкумәтә гаршы галхан садә халгы тәмсил едир. Халг һәрәкатлары бу дөвләтләрин дәмирәбәнзәр ҝүҹлә фәалијјәт ҝөстәрмәк баҹарығыны зәифләдир.

• Ајәләр: Мәт. 13:30; 24:14, 45; 28:19, 20

  Пејғәмбәрлик. Буғда «анбара» топланыр, Аға «садиг вә ағыллы нөкәр»и «евиндәки гуллугчулар»ын үзәринә тәјин едир. «Падшаһлыг һаггындакы... мүждә» бүтүн јер үзүндә тәблиғ едилмәјә башлајыр.

  Иҹрасы. 1919-ҹу илдә садиг нөкәр Аллаһын халгы үзәриндә рәһбәрлик етмәјә тәјин олунду. Һәмин вахтдан етибарән Мүгәддәс Китаб тәдгигатчылары тәблиғ ишини ирәли апарыр. Бу ҝүн Јеһованын Шаһидләри 200-дән чох өлкә вә әразидә тәблиғ едир вә 1000-дән чох дилдә Мүгәддәс Китаба әсасланан нәшрләр дәрҹ едир.

• Ајәләр: Дән. 12:11; Вәһј 13:11, 14, 15

  Пејғәмбәрлик. Икибујнузлу вәһши һејван једдибашлы «вәһши һејванын сурәти»нин дүзәлдилмәсиндә тәшәббүс ҝөстәрир вә она «нәфәс вер»ир.

  Иҹрасы. Инҝилтәрә-Америка дүнја империјасынын тәшәббүсү илә Милләтләр Ҹәмијјәти јаранды. Башга милләтләр дә бу тәшкилата гошулду. Нәтиҹәдә шимал падшаһы да Милләтләр Ҹәмијјәтинин үзвү олду, амма бу үзвлүк 1926—1933-ҹү илләр әрзиндә давам етди. Даһа сонра јаранан БМТ кими, Милләтләр Ҹәмијјәтинә дә јалныз Аллаһын Падшаһлығынын лајиг олдуғу шәрәф верилди.

• Ајәләр: Дән. 8:23, 24

  Пејғәмбәрлик. Вәһмли падшаһ «ҝөрүнмәмиш бәрбадлыглар» төрәдир.

  Иҹрасы. Инҝилтәрә-Америка дүнја империјасы бөјүк дағынтылара сәбәб олуб. Мисал үчүн, Икинҹи Дүнја мүһарибәси заманы Бирләшмиш Штатлар икили дүнја империјасына дүшмән олан халгын үзәринә ики атом бомбасы атараг тарихдә мисли ҝөрүнмәмиш дағынтылар төрәтди.

• Ајәләр: Дән. 11:31; Вәһј 17:3, 7—11

  Пејғәмбәрлик. «Онбујнузлу, ал-гырмызы рәнҝли» һејван дибсиз гујудан чыхыр вә сәккизинҹи падшаһ олур. Дәнјал китабында бу падшаһ «виранәлик ҝәтирән ијрәнҹ шеј» адланыр.

  Иҹрасы. Икинҹи Дүнја мүһарибәси әрзиндә Милләтләр Ҹәмијјәти фәалијјәтинин сонуна доғру ҝедирди. Мүһарибәдән сонра «ијрәнҹ шеј», јәни БМТ јарадылды. Милләтләр Ҹәмијјәти кими, БМТ-јә дә Аллаһын Падшаһлығынын лајиг олдуғу шәрәф верилир. БМТ динә һүҹум едәҹәк.

• Ајәләр: 1 Салон. 5:3; Вәһј 17:16

  Пејғәмбәрлик. Милләтләр «сүлһ вә тәһлүкәсизлик» бәјанаты верир, сонра «он бујнуз вә вәһши һејван фаһишәјә» һүҹум чәкир вә ону мәһв едир. Бундан сонра исә бүтүн милләтләр мәһв едилир.

  Иҹрасы. Милләтләр сүлһ вә тәһлүкәсизлијә наил олдугларыны иддиа едәҹәкләр. Сонра БМТ-јә дахил олан милләтләр јалан дини тәшкилатлары мәһв едәҹәк. Бунунла бөјүк мүсибәт башлајаҹаг. Бөјүк мүсибәт Армаҝеддонда Шејтан дүнјасынын галан һиссәси мәһв оланда баша чатаҹаг.

• Ајәләр: Һизг. 38:11, 14—17; Мәт. 24:31

  Пејғәмбәрлик. Јәҹуҹ Аллаһын халгынын өлкәсинә сохулаҹаг. Сонра мәләкләр Аллаһын «сечдикләрини» јығаҹаг.

  Иҹрасы. Шимал падшаһы диҝәр һөкумәтләрлә бирликдә Аллаһын халгына һүҹум едәҹәк. Бу һүҹумун башламасындан бир гәдәр сонра мәсһ олунмуш мәсиһиләрин јердә галан һиссәси ҝөјә јығылаҹаг.

• Ајәләр: Һизг. 38:18—23; Дән. 2:34, 35, 44, 45; Вәһј 6:2; 16:14, 16; 17:14; 19:20

  Пејғәмбәрлик. «Ағ ат»ын «белиндә отуран» кәс Јәҹуҹу вә онун ордусуну мәһв едәрәк гәләбәсини баша вурур. «Вәһши һејван» «аловлу ҝөлә» атылыр вә нәһәнҝ һејкәл чилик-чилик едилир.

  Иҹрасы. Аллаһын Падшаһлығынын Падшаһы Мәсиһ Аллаһын халгыны хилас едәҹәк. О, 144 000 һакимијјәт шәрики вә мәләкләр ордусу илә бирҝә милләтләр бирлијини мәһв едәҹәк. Беләҹә, Шејтан дүнјасына тамамилә сон гојулаҹаг.