Ҹавабы билмәк ваҹибдир
Јараданын вар олдуғуна әмин олмаг нәјә ҝөрә ваҹиб мәсәләдир? Әҝәр дәлилләр сизи Онун варлығына әмин етсә, онда Мүгәддәс Китабын Ондан илһам алдығына даир сүбутлары да арашдырмаг истәјәҹәксиниз. Мүгәддәс Китабда јазыланлара етибар етсәниз, бунун хејрини чох шејдә ҝөрәҹәксиниз. Мәсәлән:
Һәјатыныз мәналы олаҹаг
МҮГӘДДӘС КИТАБДА ЈАЗЫЛЫБ: «[Аллаһ] сизә јахшылыг едәрәк ҝөјдән јағыш јағдырыр, бәрәкәтли мөвсүмләр вә бол-бол гида верир, үрәјинизи шадлыгла дојдурурду» (Һәвариләрин ишләри 14:17).
МӘНАСЫ: Бу дүнјада сизә һәзз верән һәр шеј Јараданын немәтидир. Аллаһын сизин гејдинизә нә гәдәр галдығыны өјрәнәндә бу немәтләрин гәдрини даһа чох биләҹәксиниз.
Һикмәтли мәсләһәтләр тапаҹагсыныз
МҮГӘДДӘС КИТАБДА ЈАЗЫЛЫБ: «Сән доғрулуғу, һагг-әдаләти, хејрин бүтүн јолларыны дәрк едәрсән» (Мәсәлләр 2:9).
МӘНАСЫ: Инсаны Аллаһ јаратдығына ҝөрә О, јахшы билир ки, хошбәхт олмаг үчүн инсана нә лазымдыр. Мүгәддәс Китабы арашдырдыгҹа елә индидән сизә көмәји дәјәҹәк чох шеј өјрәнәҹәксиниз.
Суалларыныза ҹаваб тапаҹагсыныз
МҮГӘДДӘС КИТАБДА ЈАЗЫЛЫБ: «Аллаһын елминә јетишәрсән» (Мәсәлләр 2:5).
МӘНАСЫ: Јараданын мөвҹуд олдуғуна әмин оланда һәјатын ваҹиб суалларына ҹаваб тапа биләҹәксиниз. Мәсәлән, һәјатын мәнасы нәдир? Нәјә ҝөрә дүнјада бу гәдәр әзаб-әзијјәт вар? Өлүмдән сонра һәјат вар? Мүгәддәс Китабдан бу суаллара доғру-дүзҝүн ҹаваб тапа биләҹәксиниз.
Ҝәләҹәјә үмидлә бахаҹагсыныз
МҮГӘДДӘС КИТАБДА ЈАЗЫЛЫБ: «Мән сизинлә бағлы нијјәтими билирәм, — бәјан едир Јеһова, — сизә бәла јох, әмин-аманлыг вермәк нијјәтиндәјәм, амалым сизә ҝөзәл ҝәләҹәк, үмид бәхш етмәкдир» (Әрәмја 29:11).
МӘНАСЫ: Аллаһ вәд едир ки, ҝәләҹәкдә писликләри, әзаб-әзијјәти арадан галдыраҹаг, өлүм олмајаҹаг. Аллаһын вәдләринә етибар етсәниз, ҝәләҹәјә олан үмид сизә буҝүнкү чәтинликләрә ҹәсарәтлә синә ҝәрмәјә көмәк едәҹәк.
You May Also Like
ОЈАНЫН!
Хошбәхтлик јолу. Һәјатын мәнасы
Хошбәхтлијә наил олмаг үчүн һәјатын мәнасы илә бағлы суаллара ганеедиҹи ҹаваблар тапмаг олдугҹа ваҹибдир.
ОЈАНЫН!
Мүгәддәс Китабда јарадылыш һагда нә дејилир?
Мүгәддәс Китабда алты јарадылыш ҝүнүндән сөһбәт ачылыр. Бу ҝүнләр 24 саатдан ибарәт олуб?
