НӘЈӘ ҜӨРӘ ВАҸИБДИР? Шаҝирд дәрсә һазыр оланда кечдикләрини даһа јахшы баша дүшә вә јадында сахлаја биләр. Бу исә она руһани ҹәһәтдән даһа тез бөјүмәјә көмәк едәҹәк. Дәрсә һазырлашмаг һәмчинин шаҝирдә көмәк едәҹәк ки, вәфтиз оландан сонра да руһани ҹәһәтдән ојаг галмаг үчүн јығынҹаг ҝөрүшләринә вә хидмәтә һазырлашсын (Мт 25:13). Дәрсә дүзҝүн вә мүнтәзәм һазырлашан шаҝирд бунун фајдасыны бүтүн һәјаты боју ҝөрәҹәк. Буна ҝөрә дә дәрс кечмәјә башладығымыз илк ҝүндән шаҝирдә дәрсә һазырлашмағы өјрәтмәлијик.

НЕҸӘ ЕТМӘЛИ?

• Нүмунә гој (Рм 2:21). Дәрсә шаҝирди нәзәрдә тутараг һазырлаш (km 15/11 с. 3). Шаҝирдә сәнин китабда ҹаваблары неҹә ишарәләдијини ҝөстәр

• Шаҝирди дәрсә һазырлашмаға тәшвиг ет. Она Мүгәддәс Китаб дәрсинә һазырлашмағын ваҹиблијини вә фајдасыны изаһ ет. Һәмчинин она һазырлашмаг үчүн неҹә вахт ајыра биләҹәјинә даир бәзи мәсләһәтләр вер. Бәзи тәблиғчиләр дәрс заманы өз китабларыны шаҝирдә верирләр ки, о, онун ишарәләдији ҹаваблара бахсын. Бунун сајәсиндә шаҝирд дәрсә һазырлашмағын фајдасыны ҝөрә биләр. Шаҝирд дәрсә һазырлашанда ону тәрифлә

• Шаҝирдә дәрсә һазырлашмағы әјани ҝөстәр. Бәзи тәблиғчиләр әввәл-әввәл дәрс боју шаҝирдә дәрсә неҹә һазырлашмағы ҝөстәрир