Ҝәнҹ тәблиғчиләр вә Мүгәддәс Китабы өјрәнәнләр, вәфтиз олунмағы гаршыныза мәгсәд гојмусунуз? Нәјә ҝөрә вәфтиз олунмаг лазымдыр? Өзүнү Јеһоваја һәср етмәк вә вәфтиз олунмаг Јеһова илә хүсуси мүнасибәтләрин башланғыҹыдыр (Зб 91:1). Бу һәмчинин инсаны хиласа апарыр (1Бт 3:21). Бу аддымлары атмаға сизә нәләр көмәк едә биләр?

Өјрәндикләринизин һәгигәт олдуғуна әмин олун. Суалларыныз јарананда ахтарыш апарын (Рм 12:2). Һансы дәјишикликләр етмәјин лазым олдуғуну мүәјјән един вә бунлары един. Амма әмин олун ки, буну Јеһованы разы салмаг истәдијиниз үчүн едирсиниз (Мс 27:11; Еф 4:23, 24). Көмәк үчүн һәмишә Она дуа един. Архајын олун ки, Јеһова гүдрәтли мүгәддәс руһу васитәсилә сизи ҝүҹлү едәҹәк сизә дајаг олаҹаг (1Бт 5:10, 11). Бунун үчүн зәһмәт чәкмәјә дәјәр. Јеһоваја хидмәт ән ҝөзәл һәјат јолудур (Зб 16:11).

«ВӘФТИЗӘ ҜЕДӘН ЈОЛ» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Бәзиләри вәфтиз олунмаг үчүн һансы манеәләри ашмышлар?

• Өзүнүзү Јеһоваја һәср етмәк үчүн лазым олан имана неҹә саһиб ола биләрсиниз?

• Бәзиләрини вәфтизә доғру ирәлиләмәјә нә тәшвиг етмишди?

• Јеһоваја хидмәт етмәји сечәнләр һансы немәтләри алыр?

• Һәср олунманын вә вәфтизин мәнасы нәдир?