Јығынҹаг ҝөрүшләри пак ибадәтин ајрылмаз һиссәсидир (Зб 22:22). Јеһоваја ибадәт етмәк үчүн бирҝә топлашан инсанлар севинҹ, немәт әлдә едир (Зб 65:4). Шаҝирдләр јығынҹаг ҝөрүшләринә мүнтәзәм ҝәләндә адәтән тез инкишаф едирләр.

Шаҝирдә јығынҹаг ҝөрүшләринә ҝәлмәјә неҹә көмәк едә биләрсиниз? Тез-тез онлары ҝөрүшләрә дәвәт един. Онлара «Ибадәт ҝөрүшләримиз неҹә кечирилир?» адлы видеону ҝөстәрин. Ҝөрүшләрә ҝәлмәјин фајдаларындан данышын (lff дәрс 10). Јығынҹаг ҝөрүшүндә өјрәндијиниз һансыса мараглы фикри онунла бөлүшүн, јахуд нөвбәти ҝөрүшдә арашдырылаҹаг мөвзудан данышын. Шаҝирдә ҝөрүшдә истифадә олунаҹаг нәшрләри верин. Һәмчинин көмәјинизи тәклиф един. Бәлкә, ону ҝөрүшә апармаг лазымдыр? Шаҝирди илк дәфә јығынҹаға ҝәтирмәк үчүн чәкдијиниз бүтүн зәһмәтә дәјәр (1Кр 14:24, 25).

«ШАҜИРДӘ КӨМӘК ЕДИН. ЈЫҒЫНҸАГ ҜӨРҮШЛӘРИНӘ ҜӘЛМӘЈӘ» АДЛЫ ВИДЕОЈА БАХАНДАН СОНРА СУАЛЛАРА ҸАВАБ ВЕРИН:

• Нита һансы фүрсәтдән истифадә едиб Ҹејди јығынҹаг ҝөрүшүнә дәвәт етди?

• Шаҝирд јығынҹаг ҝөрүшүнә ҝәләндә нәјә ҝөрә севинирик?

• Ҹејд илк дәфә јығынҹаг ҝөрүшүнә ҝәләндә һансы һиссләри кечирди?