Аллаһын Кәламы бу суала бирмәналы шәкилдә «јох» ҹавабы верир! Әзаблар Јеһова Аллаһын бәшәријјәт үчүн нијјәтинә дахил дејилди. Илк инсанлар Аллаһын һөкмранлығыны рәдд едиб хејирлә шәри өзләри мүәјјән етмәк гәрарына ҝәлдиләр. Онлар Аллаһдан үз дөндәриб өзләрини әзаб-әзијјәтләрә дүчар етдиләр.

Бу ҝүн биз онларын вердији јанлыш гәрарын аҹы нәтиҹәләрини дадырыг. Аллаһ гәтијјән инсанлара әзаб чәкдирмир.

Мүгәддәс Јазыларда дејилир: «Сынагларла үзләшәндә гој һеч кәс: “Аллаһ мәни сынаға чәкир”, — демәсин, чүнки Аллаһ һеч кәси писликлә сынамыр вә Онун Өзүнү дә писликлә сынамаг мүмкүн дејил» (Инҹил, Јагуб 1:13). Һеч ким, һәтта Аллаһын рәғбәтини газанан инсанлар белә әзаб-әзијјәтләрдән сығорталанмајыб.