Иса пејғәмбәрә гаршы чыханлар ону өзүнү Аллаһа тај тутмагда иттиһам едирдиләр (Инҹил, Јәһја 5:18; 10:30—33). Амма Иса Мәсиһ һеч вахт өзүнү Аллаһа бәрабәр тутмурду. Әксинә, о демишдир ки, Аллаһ «мәндән бөјүкдүр» (Инҹил, Јәһја 14:28).

Исанын ән биринҹи давамчылары да ону Аллаһа тај тутмурдулар. Мәсәлән, онлардан бири, һәвари Павел јазыр ки, Иса Мәсиһ Аллаһын дәрҝаһына галдырыланда «Аллаһ ону даһа јүксәк мөвгејә уҹалтды». Ајдын ҝөрүндүјү кими о да Иса Мәсиһин Аллаһ вә ја Аллаһа бәрабәр бир шәхс олдуғуну инанмырды. Әҝәр Иса Мәсиһ артыг Аллаһ олсајды, бундан да јүксәк мөвгејә ону неҹә галдырмаг оларды? (Инҹил, Филипилиләрә 2:9).