«Мүгәддәс Јазылар», «Мүгәддәс Китаб», јахуд «Төврат, Зәбур вә Инҹил» кими танынан јазыларда чохлу мүдрик кәлмәләр јер алыр. Бәс онларын мүәллифи кимдир? Ҝөрүн бу һагда онун өзүндә нә дејилир: «Мүгәддәс Јазылардакы һәр кәлмә Аллаһ тәрәфиндән илһамланмышдыр» (Инҹил, 2 Тимотејә 3:16). Буну диҝәр амилләр дә тәсдиг едир. Мәсәлән:

• Нә гәдәр ҹәһд ҝөстәрсәләр дә, һеч ким Мүгәддәс Јазыларын тарихи ҹәһәтдән дәгиглијини шүбһә алтына ала билмәмишдир.
• Аллаһын ҝөстәриши илә Мүгәддәс Јазылары гәләмә аланлар буну тәмиз үрәкдән едирдиләр. Онлар һәтта өз сәһвләрини белә ачыг сөјләјирдиләр. Бу да Мүгәддәс Китаба олан етибары бирә беш артырыр.
• Мүгәддәс Јазылар боју бир әсас мөвзудан бәһс олунур: Аллаһын бәшәријјәт үзәриндә һөкмранлығына бәраәт газандырылмасы вә гурдуғу сәмави һөкумәти васитәсилә нијјәтләрини һәјата кечирилмәси.
• Мин илләр өнҹә јазылмасына бахмајараг, Мүгәддәс Јазыларда елмә зидд олан һеч бир фикир јохдур.
• Рәсми шәкилдә тәсдиг олунмуш тарихи һадисәләр Мүгәддәс Китаб пејғәмбәрликләринин дәгиглијинә ишарә едир.