ЛУАНДА, Ангола. Пајтахт Луандадан 500 километр мәсафәдә јерләшән Бенҝела вилајәтиндә 2015-ҹи ил мартын 11-дән башлајараг арамсыз јағышларын төрәтдији дашгын нәтиҹәсиндә 85 нәфәр һәлак олмуш, 119 евә зијан дәјмишди. Јеһованын Шаһидләринин Анголадакы филиалынын вердији мәлумата ҝөрә, диндашларындан һеч ким һәлак олмаса да, онлардан 11-нин еви дағылмыш вә ја ҹидди зијан ҝөрмүшдү. Дашгын һәмчинин Лобитудакы ибадәт евләриндән биринә дә зәрәр вурмушду.

Лејсанын сәһәриси Јеһованын Шаһидләри дәјмиш зијанын мигјасыны мүәјјән етмәк вә зәрәр чәкәнләрә көмәк етмәк мәгсәди илә јардым комитәси тәшкил етдиләр. Онлар зәрәр дәјмиш әразидә јашајан һәм иман гардашларынын, һәм дә иманларына шәрик олмајанларын көмәјинә јетишдиләр. Көнүллүләр нөвбәти һәфтә сону баш тутаҹаг хүсуси ҝөрүшләрдән бирини кечирмәк үчүн Лобитудакы ибадәт евини 70 сантиметр һүндүрлүјүндә олан палчыг вә судан тәмизләдиләр вә тәмир ишләрини вахтында ҝөрүб гуртардылар. Јеһованын Шаһидләринин Анголадакы филиалынын нүмајәндәләри Луандадан бу ҝөрүшә ҝәләрәк јерли баҹы-гардашлары руһландырдылар.

Јеһованын Шаһидләринин Анголадакы нүмајәндәси Тод Пекхам дејир: «Дашгындан зәрәр чәкмиш баҹы-гардашларымыза үрәјимиз јаныр. Анголадакы филиал јардым комитәсинин ишинә нәзарәт едәҹәк вә јерли әһалидән лазыми көмәји әсирҝәмәјәҹәк».

Әлагә үчүн:

Бејнәлхалг: мәлумат хидмәти, Ҹ. Р. Браун, тел.: +1 718 560 5000

Ангола: Тод Пекхам, тел.: +244 222 460 192