НЈУ-ЈОРК. Ики һәфтә әрзиндә давам едән алты-ҝүнлүк динләмәдән сонра Русија Федерасијасы Али Мәһкәмәси бу ҝүн Әдлијјә Назирлијинин Русијадакы Јеһованын Шаһидләринин Идарә Мәркәзинин вә Русијада фәалијјәт ҝөстәрән 395 јерли дини иҹмасынын (ЈДИ) ләғв едилмәси илә бағлы иддиасыны тәмин етди. Гәрар дәрһал гүввәјә минир.

Јеһованын Шаһидләринин Русијадакы нүмајәндәси Јарослав Сивулски гејд едир: «Бу вәзијјәт бизи мүтәәссир етди. Верилән гәрарын дини фәалијјәтимизә неҹә тәсир ҝөстәрәҹәји бизи чох нараһат едир. Биз бу гәрарла бағлы апеллјасија шикајәти верәҹәјик. Үмид едирик ки, тезликлә бир динҹ дини груп кими гануни һүгугларымыз вә мүдафиәмиз тамамилә бәрпа олунаҹаг»

Русијадакы Јеһованын Шаһидләринин үч һакимдән ибарәт мәһкәмә һејәти тәрәфиндән бахылмасы үчүн апеллјасија шикајәтинин верилмәсинә 30 ҝүн мүддәти вар.

Әлагә үчүн:

Бејнәлхалг мәлумат хидмәти: Дејвид Семониан, Иҹтимаи әлагәләр шөбәси, тел.: +1 845 524 3000

Русија: Јарослав Сивулски, тел.: +7 911 087 8009