НЈУ-ЈОРК. 31 октјабр тарихиндә Јеһованын Шаһидләри Бруклин Һајтс тарихи әразидәки Кларк Стрит 21 үнванында јерләшән 16 мәртәбәли јашајыш бинасынын сатышыны тамамлады. Вахтилә һотел кими фәалијјәт ҝөстәрән Роман үслублу бу бина 40 илдән артыг Јеһованын Шаһидләринә мәхсус олуб вә онлар ону горујуб сахлајыблар.

Илк ады «Леверик Тауерс Һотел» («Leverich Towers Hotel») олан бу бинанын ачылышы 1928-ҹи илдә баш тутуб. Чох кечмәмиш һотел «Тауерс Һотел» («Towers Hotel») кими танынмаға башлады. «Бруклинин аристократ һотели» («Aristocrat of Brooklyn Hotels») адыны газанан бу һотел јүксәк тәбәгәдән олан мүштәриләри гәбул едирди. Һәрчәнд 1970-ҹи илләрдә һотелин артыг тәмирә еһтијаҹы вар иди.

Јеһованын Шаһидләри 1975-ҹи илдә бу бинаны алдылар. О вахта кими сајы ҝетдикҹә артан баш идарә ишчиләринин галмасы үчүн һәмин һотелин бир нечә мәртәбәсини иҹарәјә ҝөтүрмүшдүләр. Бу бина Јеһованын Шаһидләри тәрәфиндән ики дәфә тәмир олунуб: биринҹи дәфә 1978-ҹи илдә, икинҹи дәфә исә 1998-ҹи илдә.

Јеһованын Шаһидләринин баш идарәсинин нүмајәндәси Дејвид Семониан дејир: «Бруклин Һајтсда јашајан бизләр “Тауерс” бинасыны тәкҹә тарихи абидә кими јох, һәм дә ҝөзәл вә исти бир јува кими хатырлајаҹағыг. Бу сатышы ҝерчәкләшдирмәклә Бруклиндәки тарихимизин диҝәр бир сәһифәсини чевирмиш олдуг».

2016-ҹы илдә Јеһованын Шаһидләринин баш идарәси Уорвикә (Нју-Јорк) көчүрүлдү.

Әлагә үчүн:

Бејнәлхалг мәлумат хидмәти: Дејвид Семониан, Иҹтимаи әлагәләр шөбәси, тел.: +1 845 524 3000