Əyyub 30:1—31
30 Amma indi dünənki uşaqlar halıma gülür.+Vaxtilə onların atalarını sürümü qoruyan itlərin yanına qoymazdım.
2 Onların gücü nəyimə lazım idi?
Onlarda can qalmayıb,
3 Yoxsulluq, aclıq taqətlərini kəsib.Viran qalmış, bərbad olmuşQuru torpağı çeynəyirlər.
4 Kolluqdan duzlu bitki yığırlar,Süpürgə kolunun köklərini yeyirlər.
5 Camaat onları el arasından qovur,+Oğru kimi üstlərinə çığırır.
6 Onlar dərə yamaclarında,Torpaqdakı, qayalardakı oyuqlarda yaşayırlar.
7 Kolluqdan qışqırırlar,Gicitkən altında bir-birinə qısılırlar.
8 Axmaqların, adsız-sansız adamların oğulları kimiMəmləkətdən qovulurlar.
9 İndi isə məni məsxərəyə qoyurlar,+Mahnı qoşub lağ edirlər.+
10 Məndən ikrah edir, gen gəzirlər,+Çəkinmədən üzümə tüpürürlər.+
11 Çünki Allah yaraq-yasağımı aldı, məni zəlil etdi,Onlar da qabağımda azğınlaşıblar.
12 Sağ tərəfdən dəstə ilə üstümə gəlirlər,Məni qaçaq edirlər,Yolumda ölüm sədləri qoyurlar.
13 Yolumu bərbad edirlər,Dərdimə dərd qatırlar,+Qabaqlarını alan yoxdur*.
14 Elə bil, divardakı iri yarıqdan çıxırlar,Viranəliyin ortasında peyda olurlar.
15 Dəhşət məni çulğayıb,Sanki, ləyaqətimi külək sovurub aparır,Qurtuluşum bulud kimi tez keçib-gedir.
16 Canım əldən gedir,+Qara günlər məni haqlayıb,+
17 Gecələr ağrıdan sümüklərim deşilir,+Bədənim göynəyir, ağrı kəsilmir.+
18 Şiddətindən paltarım korlanıb*,Yaxalıq kimi məni boğur.
19 Allah məni palçığa batırıb,Toz kimi, kül kimi olmuşam.
20 Səndən imdad diləyirəm, amma cavab vermirsən,+Durub dayanmışam, Sən isə hey mənə baxırsan.
21 Mənə qarşı rəhmsiz olmusan,+Əlinin bütün gücü ilə hücum edirsən.
22 Məni qaldırıb küləklə sovurursan,Tufanın içində çalxalayırsan*.
23 Bilirəm ki, məni ölümə,Hamının gedəcəyi evə yollayacaqsan.
24 Amma qara günündə imdad diləyən, tapdanıb-əzilmiş insana+Heç kim əl qaldırmaz.
25 Məgər mən dara düşənlər üçün ağlamırdım?
Məgər kasıblardan ötrü ürəyim ağrımırdı?+
26 Yaxşılıq gözlədiyim yerdə yamanlıq gəldi,İşıq gözləyərkən zülmət gəldi.
27 Təlatüm içindəyəm, rahatlığım yoxdur,Qara günlərlə üzləşdim.
28 Günəş şəfəq saçmır, qəm-qüssə içində gəzirəm,+
Camaat arasında qalxıb qışqırıram, imdad diləyirəm.
29 Mən çaqqallara qardaş olmuşam,Dəvəquşu+ balalarına yoldaş olmuşam.
30 Dərim qapqara qaralıb, tökülüb,+Sümüklərim istidən* yanır.
31 Çəngim ancaq ağı deyir,Neyim ağlayır.
Haşiyələr
^ Digər variant: heç kimdən kömək də almırlar.
^ Digər variant: şiddətli əzabdan görkəmim dəyişib.
^ Digər variant: məni əzib yox edirsən.
^ Digər variant: qızdırmadan.
