17 mart 2023-cü il tarixində Krasnoyarsk Vilayətinin Sosnovoborsk Şəhər Məhkəməsi Yuri Yakovlevi təqsirli bildi və onu altı il iki ay müddətinə həbsə məhkum etdi. Qardaş 2022-ci ilin mart ayından məhkəməyədək həbsdə olub.

1. İyun—dekabr 2021-ci il

   Hökumət nümayəndələri Yurinin telefon danışıqlarına qulaq asıb və onu izləyib.

2. 28 mart 2022-ci il

   Barəsində cinayət işi açıldı. Onu ekstremist təşkilatın görüşlərini videokonfrans vasitəsilə təşkil etməkdə ittiham etdilər. Hüquq-mühafizə orqanları axtarış qərarı olmadan Yurinin evində axtarış apardılar.

3. 29 mart 2022-ci il

   Başqa beş Yehovanın Şahidinin və Yurinin Müqəddəs Kitab dərsi keçdiyi bir kişinin evində də axtarış aparıldı. Yurini həbs etdilər və müvəqqəti həbs kamerasına saldılar.

4. 30 mart 2022-ci il

   Onun barəsində məhkəməyədək həbs qətimkan tədbiri seçildi.

5. 20 iyun 2022-ci il

   Cinayət işi üzrə məhkəmə icraatı başladı.

Biz əminik ki, Yehova Ona bel bağlayan sadiq xidmətçilərinə həmişə dəstək olacaq və onlara güc verəcək (Əşiya 40:31).