7 İYUL 2022
RUSİYA

Yevgeni Ziniç, ailəsi kimi, sadiq qalır

PLAY

2022-ci il iyunun 27-i Krasnoyarsk Şəhərinin Oktyabriski Rayon Məhkəməsi Yevgeni Ziniçi altı il müddətinə həbsə məhkum etdi. O dərhal həbsxanaya aparıldı.

Hadisələrin gedişatı

11 dekabr 2020-ci il

Yevgeninin evində axtarış keçirildi.
21 yanvar 2021-ci il

Cinayət işi açıldı.
19 oktyabr 2021-ci il

Yevgenini ekstremist təşkilatın fəaliyyətini təşkil etməkdə ittiham etdilər.
20 oktyabr 2021-ci il

Ondan başqa yerə getməmək barədə iltizam götürüldü.
14 dekabr 2021-ci il

Cinayət işi üzrə məhkəmə araşdırması başladı.

Qardaş barədə məlumat

Yevgeni Ziniç

Doğulduğu il: 1966 (Nazarovo, Krasnoyarsk vilayəti)

Bioqrafiya. Sovet hakimiyyəti dövründə onun valideynləri və nənə-babası təqib olunub.

1982-ci ildə Yehovanın Şahidi kimi vəftiz olunub. 1988-ci ildə Mariya ilə ailə qurub və bir qızları var. Mariya məhkəmə işi yekunlaşmazdan əvvəl vəfat edib.

Qardaşın şərhi

Valideynlərin, nənə-baban, həyat yoldaşın əqidəsinə görə təqib olunub. Onların nümunəsi sənə necə kömək edib?

O vaxtlar Yehovanın Şahidləri üçün təqib olunmaq adi hal idi. Onların təqibə münasibətindən çox şey öyrənmişəm. Onlar heç vaxt başlarına gələnlərə görə giley-güzar etməyiblər. Hər biri başa düşürdü ki, təqib məsihi həyatının bir parçasıdır. Onların qoyduğu nümunələr haqda düşünəndə anlayıram ki, onların imanı həqiqəti dərindən başa düşmələrinə, Yehova ilə şəxsi münasibətlərinə əsaslanırdı. Bir şeyi heç vaxt unutmaram, mən uşaq olanda görürdüm ki, atam diz çöküb təvazökarlıqla Yehovaya dua edir.

Eyni şeyləri yoldaşım Mariyanın valideynləri haqda da demək olar. Həqiqət onların həyatının bir hissəsi deyildi, həyatlarının özü idi. Onlar Mariyaya möhkəm iman, yaxşı ruhani qida qəbul etmək vərdişi aşılamışdılar. Həmçinin ona bacı-qardaşlara səmimi qayğı göstərməyi öyrətmişdilər. Hətta son nəfəsinə qədər, xəstə olduğu, ciddi müalicə aldığı vaxtlarda belə, Mariya başqalarının ruhani vəziyyətinə görə narahat idi. Vaxtaşırı mənə kimləri ruhlandıra biləcəyimi xatırladırdı.

Sənə bu çətin vəziyyətlərə dözməyə nə kömək edib?

Yehova və bacı-qardaşlar üçün faydalı olmaq istəyi mənə təslim olmamağa kömək edir. Mən həbsdə olan bir çox qardaşa kömək etməyə çalışırdım. Yehovaya minnətdaram ki, onlara mənim vasitəmlə kömək etdi. Beləcə, özümü yararlı insan kimi hiss etdim. Həmçinin başa düşdüm ki, Yehova hər birimizin qeydinə qalmaq üçün çox şey edir.

Bacı-qardaşların mənə göstərdiyi xeyirxahlıq və səxavət məni əmin etdi ki, Yehova məni sevir və məndən razıdır. Onların xeyirxahlığı bu son aylarda mənim üçün daha dəyərli oldu. Çünki Mariyanın ölümündən sonra hələ də kədər içindəyəm.

Biz əminik ki, Yehova Yevgenini sevir və ona təsəlli verir. Çünki o, çətinliklər zamanı ailəsinin cəsarət və dözüm nümunəsini izləyir (Zəbur 86:17).