Hiôb 6:1-30
6 Hiôb a timbhe, a kal le:
2 “Éé, ibale ba lak to hek ndutu+ yem yosôna i kilô,ibale ba lak ki to hek yo lôñni kuu yem i likobo!*
3 Inyule ndutu yem i nyét nano iloo lisege li tuye.
Inyu hala nyen me bé popoda.*+
4 Inyule makoñ ma Nu ngui yosôna ma ñôm me,me nôgda mbôñ+ yap munu nyuu yem yosôna;mam ma nkônha woñi ma ma nlôl yak Nyambe ma téé me i bisu inyu jôs me.
5 Baa jagas li bikai+ li ga bégél i ngéda li gwé bikai?
To nlôm nyaga, baa a ga bégél i ngéda a gwé bijek i je?
6 Baa ntumba bijek i nla jéba ngi bas?
Tole, limbe line li yé i noode manyuñ ma bebela* i i ne bé?
7 Me bi tjél tihba i gwom bi.
Bi yé kiki bijek bi ntina kon.
8 Éé, ibale me nkôhna to i yom me mbat,ibale Nyambe a nti to me i yom me gwé ngôñ!
9 Ibale Nyambe a bak to le a nyagat me,ibale nyemede a bak to le a nol me+ ni woo wé!
10 Ki hala a’ hôgbaha me;ki me yé le me kon maséé ngandak, to hala kiki me nlôôha nok ndutu,inyule me mpééna bé bibañga bi Numpubi.+
11 Baa me gwé ki ngui i kônde bem?+
Ibale me gwé ha bé botñem yo ki yo, inyuki me nlama kônde niñ?*
12 Baa ngui yem i yé kiki ngui i liaa?
To minsôn nwem, baa mi yé ni mamuna?
13 Lelaa me nla hôla memede,i ngéda ba nyoñ bigwel moo gwem gwobisôna, ba kena gwo haa ni me?
14 Ibale mut a ntjél unda mut wé libôk+ loñgeñem,*wee a nkon ha bé Nu ngui yosôna+ woñi.
15 Yak mawanda* mem ma bi yila bôt ba nliba+ kiki hiléléba,*kiki diléléba di di nsa.
16 Minluñ mi ais mi mboñ le i diléléba di, di hénd,yak libu li lisuni* li li nyimbi, li nsolop ikété yap.
17 Ndi i ngéda sép, di gwé ha bé malép, di nyoi;i ngéda lék, i diléléba di, di nsa.
18 I diléléba di, di nhéñha njel,di kuli i ñoñ, di sa nyoo.
19 Bôt ba nyuñga ba Téma+ ba nyéñ tjo;i bôt ba nlôl i Séba*+ ba mbot ñem le b’a koba tjo.
20 Ba nwo nyuu inyule ba yik le b’a koba malép;ba nke ipam nyoo, ba kon hison.
21 Inyule hala nyen ni bi yilna me;+ni bi tehe le bikuu gwem bi nkônha woñi, ni kahal sehla.+
22 Baa me bi bat bé likébla?
To lingwañ linan, baa me bi kal bé le ni ti me jo?
23 Baa me bi bat le ba sôñ me i moo ma ñoo wem?
To tohol, baa me bi bat le ba tohol* me i moo ma batééñga bôt?
24 Niigana me, ndi m’a yén nwee;+ni hôla me i nok hihôha hiem.
25 Bibañga bi maliga bi mbaabana bé!+
Ndi umbe nseñ bikodlene binan bi gwé?+
26 Baa ni nyéñ kodol bibañga gwem,bipôdôl bi mut a nimis botñem,+ bi mbebi i nkena?
27 Ngo ni bak le ni leñ mbam inyu yi njee a’ bana man nyuu+ kiki nkol,ni bak ki le ni nuñul* liwanda linan!+
28 Nano ni, hielbana, ni nun me,inyule m’a teembene bé me bé.
29 Soho, tiimbana wan i jam li, ni bep bañ kéés me.
Ñ, tiimbana wan i jam li, inyule me ngi yii yaga mut a téé sép.
30 Baa hilémb hiem hi mpot mam ma téé bé?
Baa nyo wem u nla bé yi le jam li yé libe?
Ndoñi
^ Tole “i kilô!”
^ Tole “me bé pot tolaa tolaa.”
^ I bebela ini yon ba nsébél ni hop Pulasi le guimauve.
^ Tole “inyuki me nlama ébés dilo tjem di niñ?”
^ Ni hop Lôk Héber, “a ntéñbe bé i gwés mut wé libôk.”
^ Tole “lép u ngéda mbéñ.”
^ Ni hop Lôk Héber, “Lôktata.”
^ Jon ba nsébél ni hop Pulasi le neige.
^ Tole “Ntôñ u bôt ba Séba u u nke bahoma bahoma.”
^ Ni hop Lôk Héber, “kobol.”
^ Tole “luga.”
