Tjémbi 30:1-12
-
Maéya ma nyila maséé
-
Nyambe a ñunda loñge yé ñem niñ yosôna (5)
-
Hiémbi hi ngand mayibil ma ndap Nyambe. Hiémbi hi David.
30 A Yéhôva, m’a bégés we inyule u bi pémés* me i bee;u bi nwas bé le baoo bem ba séé inyu ndutu yem.+
2 A Yéhôva Nyambe wem, me bi lôndôl we, u mbuubaha me.+
3 A Yéhôva, u bi pémés me* i Soñ.*+
U tééda me i niñ, u kéñ le me kwo bañ i bee.*+
4 A bé bagwélél ba Yéhôva,+ tublana nye tjémbi,*tina nye mayéga inyu jôl jé lipubi;*+
5 inyule a ñunbene mut inyu ndék ngéda ndigi,+ndi a ñunda nye loñge yé ñem niñ yé yosôna.+
Nlénd u nla ba kôkôa, ndi maséé+ ma ba kegla.
6 I ngéda me bé nwee, me bé kal le:
“M’a piñgla bé* kekikel.”
7 A Yéhôva, i ngéda u bé unda me loñge yoñ ñem, u bi téé me siñ siñ kiki hikôa.+
Ndi i ngéda u bi kôm me mbus,* ñem u bôô me matjél.+
8 Éé a Yéhôva, wen me bé sébél;+éé a Yéhôva, we ki nyen me bé yemhe.
9 Nyemb yem i* ga hôla kii? Nseñ ni le kii ibale me nsôs i soñ?*+
Baa nluñ nték u ga bégés we?+ Baa nluñ nték u ga añal maliga moñ?+
10 Éé a Yéhôva, emble me, kônôl ki me ngoo.+
Éé a Yéhôva, hôla me.+
11 U bi boñ le me sak iloole me ee;u héya nsugut wem, u eñg me ni maséé,
12 kayéle me* tubul we tjémbi di bibégés, le ndi me mom bañ nwee.
A Yéhôva Nyambe wem, me nkit le m’a bégés we i boga ni boga.
Ndoñi
^ Tole “u bi ôt.”
^ Âme ni hop Pulasi. Béñge Ndoñi bibuk.
^ Tole “Séôl.” Béñge Ndoñi bibuk.
^ Tole “soñ.”
^ Tole “kudlana nye nsik.”
^ Ni hop Lôk Héber, “inyu mbigda yé.”
^ Tole “M’a baage bé (m’a kwo bé).”
^ Ni hop Lôk Héber, “u bi sôô me su woñ.”
^ Ni hop Lôk Héber, “Matjél mem ma.”
^ Tole “bee.”
^ Tole “lipém jem.”
