Tjémbi 94:1-23
94 A Yéhôva, Nyambe nu mapuna;+ñ, a Nyambe nu mapuna, bayak!
2 Telep, a Nkéés nu hisi.+
Kogse bôt ba ngôk kiki i kôli ni bo.+
3 Éé a Yéhôva, bibéba bi bôt bi ga lôôha kon maséé+ letee ni ngéda mbe?
Ñ, letee ni ngéda mbe?
4 Bibéba bi bôt bi mpopoda, bi podok ni lipamal;baboñ mam mabe bobasôna ba nkadba.
5 Ba nyagat litén joñ, éé a Yéhôva,+ba tééñgaga ngababum yoñ.
6 Ba nol yik muda ni nkén mut,ba nol yak bon ba nyuu.
7 Ba nkal le: “Yéhôva* a ntehe bé i jam li yé i tagbe;+Nyambe nu Yakôb a nyi bé i jam li yé i tagbe.”+
8 A bé ba ni gwé bé yi, noga i jam lini;a bé bijôñ bi bôt, imbe ngéda n’a bana pék?+
9 Nu a bi hek* ôô, baa a nla bé noga?
Nu a bi uñgus jis, baa a nla bé tehna?+
10 Nu a nkodol biloñ, baa a nla bé kônd?+
Ngo nyen a nti bôt ba binam yi!+
11 Yéhôva a nyi mahoñol ma bôt ba binam,a nyi le ma yé ndik nhébék.+
12 I mut u nkodol a yé maséé a Yéhôva*+nu u niiga mbén yoñ,+
13 inyu ti nye noi i ngéda bikuu,letee bee i tima le bibéba bi bôt bi kwoo mu.+
14 Inyule Yéhôva a’ lep bé litén jé,+a’ tjôô bé to ngababum yé.+
15 Ñ, mbagi i ga témb i ba sép,yak ba bobasôna ba gwé miñem mi téé sép ba ga nit mbagi sép.
16 Njee a’ telep i pes yem inyu jôs bibéba bi bôt?
Njee a’ ba i pes yem inyu kolba baboñ mam mabe?
17 Ibale Yéhôva a ba bé nhôla wem,ki me* bi tjiba behee.*+
18 I ngéda me bi kal le: “Kôô wem u nsendi,”
a Yéhôva, loñge yoñ ñem* i bi nit me.+
19 I ngéda nduña i* bé me nnayak,*u bi hôgbaha me, u mômôs ki me.*+
20 Baa baane* ba ba téé bé sép ba nla ba i pes yoñ,i ngéda ba ngwélél mbén* inyu tééñga bape?+
21 Ba njôs mut a téé sép*+ bañga bañga,ba mpémhene ki mut nginsohi mbagi le a nlama nôla.*+
22 Ndi Yéhôva a’ ba bañga yem lisolbene,*Nyambe wem a yé liaa i het me nsolbene.+
23 A’ boñ le maboñok map mabe ma timbil bo.+
Béba yap yomede yon a ga gwélél inyu tjé bo.*
Yéhôva Nyambe wés a ga tjé bo.*+
Ndoñi
^ Tole “Yah.” “Yah” a yé lihubhak li jôl li Yéhôva.
^ Ni hop Lôk Héber, “bel.”
^ Tole “Yah.” “Yah” a yé lihubhak li jôl li Yéhôva.
^ Tole “ki me bi pala yip nyo.”
^ Âme ni hop Pulasi. Béñge Ndoñi bibuk.
^ Ni hop Lôk Héber, “ndéñbe yoñ i gwés.”
^ Tole “I ngéda mahoñol ma ma nyuu me ma.”
^ Tole “bé bôl ikété yem.”
^ Tole “u nhogbe yoñ i nkônha ñem wem maséé.”
^ Ni hop Lôk Héber, “yééne ane.”
^ Tole “matéak.”
^ Ni hop Lôk Héber, “ba mpémhene ki matjél ma nginsohi mbagi nôgôs.”
^ Tole “niñ i mut a téé sép.”
^ Tole “lisolbene jem li li nyôgi.”
^ Ni hop Lôk Héber, “inyu yip bo manyo.”
^ Ni hop Lôk Héber, “a ga yip bo manyo.”
