Yésu a bi kal le: “Ni nkôs yañga, tina yañga.” (Matéô 10:8) Di noñ maéba mana ngéda di nuñlene bé bôt Bibel, tole bikaat bipe bi ntoñol Bibel. (2 Korintô 2:17) Mahéñha ni hala, bikaat bi, bi gwé tik maliga i nlôl ikété Bañga i Djob. Ngandak biliya, ni ngandak moni i ngwéélana inyu pémés bikaat ni ep gwo i makoda ma nkoñ isi wonsôna. Jon, di nlama ndik yoñ bikaat di ga gwélél.

Di nlama gwélél pék ngéda di ntjam bikaat gwés, to i ngéda di ntéé likalô i mbamba. (Matéô 7:6) Iloole di ti ndik bôt ba ntagbe bikaat gwés, di nlama boñ biliya i kwel ni bo inyu yi too ba ndiihe ñañ nlam. Baa u nla timbhe le, ñ, inyu mbadga to yada mu mambadga ma yé mu minkéñég mi matila? Ibale u mpam bé i yi too mut a ndiihe ñañ nlam, i yé nseñ le u ti nye lipep. Ndi, ibale a mbat mbamble tole kaat yés ipe, di ga ba maséé i ti nye yada mu.—Bingéngén 3:27, 28.