Baa ni nyoñ ngéda i añ ba Nkum Ntat ba nsôk pam masañ mana? Wee ni béñge too ni nla timbhe mambadga mana:

Lelaa di nlama tehe minhook mi bikristen?

Di yé maséé i tehe hémle yap, ndi di nlôôha bé ti bo lipém. Di noode bé “yoña bo ni bipôdôl bilam.” (Yuda 16) Di mbat bé to bo mambadga ma ma gwé maada ni botñem yap i niñ nyoo i ngii.​—w20.01, lipep 29.

Kii i nlama kwés we nkaa le Yéhôva a nyimbe toi we?

Bibel i ñunda le a bi yimbe we ilole u ngwéé. A ñemble yak masoohe moñ. A nyi i jam li yé we ñem, a nyi ki mahoñol moñ. Maboñok moñ ma nla unbaha Yéhôva tole ma nla kônha nye maséé. (1 Miñañ 28:9; Bingéngén 27:11) A bi ôt we i nyeni.​—w20.02, lipep 12.

Imbe ngéda di nlama pot, ni imbe ngéda di nlama mom nwee?

Di nlama ba maséé i pôdôl inyu Yéhôva. Di mpot ngéda di ntehe mut a nyoñ njel ibe. Mimañ mi nlama pot ngéda mi nyimbe le ngim mankéé i gwé ngôñ ni maéba. Di nlama mom nwee ngéda mut a mbat bés lelaa nson wés u mbôña biloñ i het u ta bé kunde. Di nlama bé yelel mam ma likoda ma bôt bape ba kôli bé yi.​—w20.03, mapep 20-21.

Mambe maselna ma yé ipôla bitandi ba mpôdôl i kaat Yôel pes 2 ni bi ba mpôdôl i kaat Masoola pes 9?

Yôel 2:20-29 a nkal le, Djob a nkis bitandi haa, a mbôn ki le a ga saa i gwom bi ñôbôs. Mbus mam mana, Nyambe a’ kôp mbuu mpubi wé. I mam ma, ma bi bôña ngéda bisônda bi Babilôn bi bi jôp i Israel kiki liuñ li bitandi. Bitandi ba mpôdôl i kaat Masoola 9:1-11 bi yé minhook i len ini, mi mi nlegel bikééhene bi Djob ni makénd ikolba béba nkoñ ’isi ini, nwin u u ntééñga i bet ba nit wo.​—w20.04, mapep 3-6.

Njee a yé kiñe ñombok i len ini?

Kiñe ñombok i len ini a yé Ruslan ni biloñ bi nit nye. Ba nkolba bagwélél ba Djob, maboñok map ma ñunda le ba ñoo Yéhôva ni bagwélél bé, kiñe ñombok i yé pémsan ni kiñe nwelmbok.​—w20.05, lipep 13.

Baa bilem kaat Galatia 5:22, 23 i mpôdôl, gwotama gwon bi yé mu “litam li mbuu”?

To. Mbuu mpubi u nhôla bés i bana bilem bilam bipe, kiki bo telesép. (Éfésô 5:8, 9)​—w20.06, lipep 17.

Imbe ndutu u nla boma ibale u gwé lem i ep bifôtô gwoñ tole bividéô i internet?

Iloole hala a éba le u yé suhulnyuu, i gwom u ñep i internet bi nla tinde bôt i hoñol le u nsômbôl nene.​—w20.07, mapep 6-7.

Lelaa ndémbél i balop tjobi ba ba nyi bôlô yap i nla bane bikristen nseñ?

Balop tjobi ba nyéñ bahoma tjobi di ntôl, ba kilak i ngéda ba nyi le tjobi di yé. Ba nigil i gwélél bisélél bi kôli. I mbéda bo ñem ngui inyu sal i béba ngéda. Yak bés di nla kôna bo mu nson wés likalô.​—w20.09, lipep 5.

Lelaa di nla hôla banigil Bibel i bana njôôñ gwéha inyu Yéhôva?

Di nla ti bo makénd i añ Bibel hiki kel ni i ôt pék mu i yom ba ñañ. Di nla yak niiga bo i soohe.​—w20.11, lipep 4.

Bibañga bini le “ni njel Kristô bobasôna ba ga kôhna niñ,” bi mbéñge bonjee?​—1 Korintô 15:22.

Ngéda ñôma Paul a bi gwélél i buk ini le “bobasôna,” a bé pôdôl bé bôt ba binam bobasô. A bé pôdôl minhook mi mi bi “pubhana ikété adna ni Kristô Yésu.” (1 Korintô 1:2; 15:18)​—w20.12, mapep 5-6.

Kii minhook mi ga boñ mbus le ba ‘nheñla i likéébana li jis, ngéda sép i nhem inyu ngélé i nsôk’?​—1 Korintô 15:51-53.

Mi ga ane bôt ni Kristô, ni ntoñgo kei. (Masoola 2:26, 27)​—w20.12, mapep 12-13.