NKUM NTAT—INYU YIGIL Matjel 2020
I Nkum Ntat nunu a gwé gwigil inyu dilo 6 Matôp–3 Mpuye, 2020.
Yéhôva, Tata wés, a ngwés bés ngandak
Di yé nkwoog nkaa le Tata wés nungingii a ngwés, a ntôñ bés, ni le a ga tjôô bé bés kekikel.
Di ngwés Tata wés le Yéhôva ngandak
Di tehe ngim mam i tôbôtôbô di nla boñ inyu unda le di ngwés Tata wés nu gwéha, Yéhôva.
Di jôs tama inyu noñ nsañ
Di nla bôdôl kil bôt bape njôñ. Di béñge mam ma-na di nla boñ inyu jôs tama ni tééda nsañ ni bôt bape.
Yéhôva a hôgbaha we
Hana, ñôma Paul, ni Kiñe David ba bi bana nduña. Bimbe biniigana di ñôt mu kii Yéhôva a bi lédés bo, a hôgbaha ki hiki wada wap?
ÑAÑ U NIÑ I BÔT
I kôna ndémbél ilam i bôt, i bi lona me ngandak bisai
Léonce Crépeault a nkal kiki ndémbél ilam i bôt i bi hôla nye i yémbél woñi ni i kon maséé ni bisai a bi bana i nwii 58 mu nson wé.
Baa ni yik hala?
Lelaa gwom bahun ’isi ba bi léba bi ñunda nson Belsasar nu Babilôn a bé sal?
