Ñ, ibale ba ntégbaha u ntôñ ngi bañga njom, i nla ba nseñ le juu li bikodlene li tééba inyule i jam li, li yé yimbne i ngui i malal ma nyega.​—1 Korintô 6:18.

Hiki ngéda le ngim jam i mbôña hala, juu li mimañ li ga tibil wan i jam li, inyu yi too juu li bikodlene jon li mbéda. Kiki hihéga: Baa i bôt ba boba ba bé tondna (tjakna) bisu bi ngéda? Baa ba bi bôk ndugi ba kôs maéba mu lem yap i? Baa ba bi ôt nsoñgi le b’a boñ hala kel yada? Limbe jam li bi tinde bo i tégbaha u ntôñ? Baa ba bé le ba pohol i boñ nya ipe, tole ngim jam i bi bôña, i i bi nyégsa bo i tégbaha i u u ntôñ? (Ñañal 9:11) Lelaa ba bi nañal mukété ndap? Kiki mam ma mbéna bé tagbe nya yada, mimañ mi nla ki léba mam ma tôbôtôbô mape ma ma ga hôla bo i yoñ makidik.

Mbus le mimañ mi nwan mam momasôna, juu li mimañ li ga kit ibale juu li bikodlene jon li nlama hôla i bôt ba.