Yoñ:

• Lipep inyu tôp

1. 1. Ba nun tjôdôt ngii,

   Ba nkon ki Nyambe woñi;

   Ba nti ki nye mayéga.

   Kiki U ñunda bo Gwéha.

   Jon U ti bo jôl joñ,

   I añal botñem Ane.

   Bañga ’nyu ngéda yés.

   I yé mbale, i mbéyés njel yés.

   Ba ngwés we ni ñem wap,

   Ba bi kon maséé inyu nson wap

   Mintebek ’nyu sôñ Bañga yoñ,

   Ntilga le bôt ba emble we.

   (NDIIMBA)

   Bañga yoñ i téé mba ni mba,

   Bañga yoñ i yé toi ndip.

   Ñañ nlam u añal u nti hogbe ikeñi,

   Me ngwés toi tééda Bañga yoñ.

2. 2. To kii baoo we ba mboñ,

   Ba nla bé yip we nyo.

   Bôt boñ ba ba ngwés Bañga yoñ,

   Ba ntééda hémle, ni ndéñbe.

   Ngéda ba bi yéñ tjé Bibibel,

   Ba bé nkôôbaga i ti niñ yap.

   ’Nyu hémle yap i ngui lôñni mbôgi yap

   Bañga to yada i nimil bé.

   (NDIIMBA)

   Bañga yoñ i téé mba ni mba,

   Bañga yoñ i yé toi ndip.

   Ñañ nlam u añal u nti hogbe ikeñi,

   Me ngwés toi tééda bañga yoñ.

3. 3. U kal bés le jôl joñ le Yéhôva.

   Li ntôl ki mu Bañga yoñ.

   Jôl joñ li yé boga,

   Bañga yoñ ki y’a yon,

   Di ga bégés we hi kel niñ yés.

   (NDIIMBA)

   Bañga yoñ i téé mba ni mba,

   Bañga yoñ i yé toi ndip.

   Ñañ nlam u añal u nti hogbe ikeñi,

   Me ngwés toi tééda bañga yoñ,

   Hi kel ni kel.