BATƐMU Ma kun mɔ ba gari gɛɛ gerua baasi, ba kitanu sɔɔru kuawa be ba koo batɛmu kon sɔ̃, samaan gari dion wuswaaɔ. Batɛmun samaan gari yu sere tore, asibiti sɔ̃nu bururu, n weenɛ be ba koo batɛmu ko bu na bu sina mi ba bu yĩreru kua mi. Tilaasiwa ben baawure u ka win wasin sunkutia ka yãa ni u koo doke u ka batɛmu ko na, yãa ni, nu n sãa bɛɛrɛginu.

BE BA RA TƆMBU DAM KOOSIE Ba dam koosiobu swĩi bu ka nun somiwa. Sa nun kanamɔ a ka ben gere sɔmburu koowo: kɛkɛ ka kpookpoonun yii yerɔ, mi n weenɛ tɔmbu bu ka du ka mìn di n weenɛ bu yari, sin yeru yiibu sɔɔ, ǹ kun mɛ ye ba de gesi sun sɔ̃ɔwa kpuro.

GÃANU NÙ N KƆ̃ƆRA Ǹ KUN MƐ NÙ N WAARA Goo u n gãanu dɔba ma goo kun bikie n weenɛ bu ka nu da ‘‘Gãanu nù n kɔ̃ɔra ǹ kun mɛ nù n waara’’ n ayerɔ. À n maa gãanu bia, kaa kpĩ a da mi kpa a bikia. Bii be ba ǹ ben mɔwɔbu wa ba koo kpĩ bu ka be da mi. Sa nun kanamɔ a n wunɛn bibun nɔni do ba n ka wãa wunɛn bɔkuɔ, a ku raa ka be bia.

KƐ̃NU Ba gobi di too ba ka aye teni wa, gari gerubun yirikisi ya n ka daamɔ dee dee, fideo yirikisiba, ka gãa dabinu mɛnnɔ bɔkɔ geni gu ka sun nuku dobu kɛ̃ kpa gu maa ka sun somi su ka Yehofa susi n sosi. Nuku tian kɛ̃ te kaa ko, ta koo sun somi su ka gobi dii bi wunana, kpa su maa ka handunia giran waasun sɔmbu te wuswaa daasia. N ku ka nun sɛ̃sia, ba kɛ̃nun kpakororu yii baama kpuro. Kaa maa kpĩ a kɛ̃nu ko saa intɛnɛtin di, donate.dan124.com sɔɔ. Sa kɛ̃ɛ ni tɔmba mɔ̀ kpuro siaramɔ. Sina asakpɔra nun siaramɔ wunɛn nuku tian sɔ̃ ka somi te a ka bandun sɔmburu naawammɛ.

KITANU Sa nun kanamɔ a n be ba tie n laakari mɔ. À n kitanu gɔsimɔ, a yaayo ma kaa kpĩ a nu gɔsiwa be ka nun kannɛn sɔ̃, nge wunɛn dusibu, ka be i gbaburu mɔ̀ sannu, ka be ba sãa wunɛn yɛnugibu ǹ kun mɛ ka be ba ka nun bibelin keu mɔ̀. Sa nun kanamɔ a ku gãanu sɔndi kita te a ǹ gɔsan wɔllɔ.

SOMI GBIIKIRU A n yɛ̃ ma yeni Tilaasin saa sɔɔ tɔnawa.

SOMIOBU À n kĩ a tii wɛ̃ mɛnnɔ bɔkɔ gen sɔma sɔɔ, sa nun kanamɔ a doo mi ba yorua: “Somiobu.”