Pusat Pengendalian dan Pencegahan Penyakit di Amerika Serikat mewawancarai akka na poso taringot seks oral a. Satonga sian na diwawancarai i, na marumur 15 sahat tu 19 taon nungnga hea mangulahon seks oral. Si Sharlene Azam pengarang ni bukku Oral Sex Is the New Goodnight Kiss mandok, “Molo didok tu akka na poso taringot seks oral, dipikkir nasida hal na biasa do i. Jala didok roha ni nasida, dang na mangulahon hubungan seks i.”

•  Songon dia do menurutmuna?

•  Songon dia do na sebenarna?

•  Boasa i berbahaya?

 Alusi ma akka sukkun-sukkun on.

1.   Boi do gabe hamil sasahalak molo mangulahon seks oral?

   1.   Boi

   2.   Dang boi

2.   Berbahaya do seks oral tu kesehatan?

   1.   I do

   2.   Daong

3.   Sarupa do na mangulahon seks oral tu na mangulahon hubungan seks?

   1.   I do

   2.   Daong

 Bandikkon ma alusmuna tu na sebenarna terjadi.

1.   Boi do gabe hamil sasahalak molo mangulahon seks oral?

    Alusna: Dang boi. On do na mambahen akka halak marpikkir dang sala mangulahon seks oral.

2.   Berbahaya do seks oral tu kesehatan?

    Alusna: I do. Alana, akka halak na mangulahon on boi do gabe marsahit hepatitis (A manang B), benjolan di alat kelamin, gonore (kencing nanah), herpes, HIV, dohot sifilis.

3.   Sarupa do na mangulahon seks oral tu na mangulahon hubungan seks?

    Alusna: I do. Sude akka tindakan na adong hubunganna tu alat kelamin ni halak na asing, sarupa tu na mangulahon seks do i. Termasuk ma i berhubungan badan, mangulahon seks oral dohot seks anal, jala memasturbasi halak na asing.

 Pikkirhon ma piga-piga ayat na di toru on.

 Didok di Bibel, “Ai on do lomo ni roha ni Debata, . . . pasiding hamu ma seks na so patut.”​—1 Tessalonik 4:3.

 Hata Junani na diterjemahon gabe “seks na so patut” maksudna, sude hubungan seks na diulahon di luar pernikahan. Termasuk ma i berhubungan badan, mangulahon seks oral dohot seks anal, jala memasturbasi halak na asing. Boi do gabe susa ngolu ni halak na mangulahon on. Jala na paling parah, boi do gabe dao ibana sian Debata.​—1 Petrus 3:12.

 Didok di Bibel, “Halak na mangulahon seks na so patut, mangulahon dosa tu dagingna sandiri do ibana.”​—1 Korint 6:18.

 Mangulahon seks oral, dang holan mambahen marsahit dohot mambahen dao sasahalak sian Debata. Alai, seks oral boi do tong mambahen gabe susa roha dohot pikkiran ni sasahalak. Menurut Talking Sex With Your Kids, “Akka halak na mangulahon hubungan seks tu na so suamina manang tu na so istrina, biasana nasida gabe merasa dimanfaatton, menyesal, jala merasa dang mararga be dirina.” Didok do muse di bukku i, “Songon i do tong na dihilala akka halak na mangulahon sude akka hubungan seks na so patut. Didok di bukku i, manang hubungan seks na dia pe na diulahon, tetap do i na mangulahon seks.”

 Didok di Bibel, “Au do Jahowa Debatam, Debata na mangajarhon na denggan tu ho.”​—Jesaya 48:17.

 Menurutmu, bermanfaat do aturan na dibahen Debata taringot seks? Manang gabe mambahen dang bebas do hamu? Pikkirhon ma contoh on. Di jalan raya, dibahen do rambu-rambu lalu lintas. Contohna, dibahen do tanda batas kecepatan dohot tanda dilarang berhenti. Gabe dang bebas do hamu alani rambu-rambu i manang gabe manjaga hamu do i? Aha do na terjadi molo dang diihutton hamu dohot halak na asing rambu-rambu i?

 Songon i do tong aturan ni Debata. Molo dang parduli hamu tu aturan na dibahen Debata, boi do gabe susa ngolumuna. (Galatia 6:7) Bukku Sex Smart mandok, “Molo jotjot dang diihutton hamu dia na denggan hape diboto hamu do i jala gabe mangulahon na sala hamu, boi do gabe lam dang diargai hamu dirimuna.” Alai molo diihutton hamu aturan na dibahen Debata, on patuduhon na denggan do pangalahomuna. Jala gabe dang ganggu be rohamuna.​—1 Petrus 3:16.