Dung ditoppa Debata bawa dohot borua na parjolo, dipasada Debata ma nasida di bagasan perkawinan. Dibahen Debata do perkawinan on songon sada ikatan na istimewa antara sahalak bawa dohot sahalak borua, jala perkawinan on ma gabe dasar ni nasida lao mambangun sada keluarga.—1 Musa 1:27, 28; 2:18.

 Lomo do roha ni Debata asa bahagia pasangan naung menikah. (Poda 5:18) Diparade Ibana do di Bibel petunjuk na boi mangurupi akka halak asa bahagia perkawinanna.

Dibahas ma di artikel on

•  Aha do petunjuk ni Debata taringot perkawinan?

•  Boha do taringot padao-dao dohot marsirang?

•  Ikkon jolo didaftarhon do perkawinan i secara hukum asa dihalomohon Debata perkawinan i?

•  Aha do tugas dohot tanggung jawab ni suami dohot istri na dipaboa di Bibel?

•  Adong do disuru Debata ikkon marianakkon halak naung menikah?

•  Songon dia do nasehat na di Bibel mangurupi asa bahagia perkawinanku?

•  Akka ayat ni Bibel taringot perkawinan

 Sian mulana tujuan ni Debata membentuk perkawinan, i ma lao mambahen sahalak bawa dohot sahalak borua marsada. (1 Musa 2:24) Alani i sogo do roha ni Debata mangida halak na mangulahon poligami, homoseks, manang bawa dohot borua na rap tinggal alai dang menikah dope. (1 Korint 6:9; 1 Tessalonik 4:3) Jala diajarhon Jesus do tu akka na mangihutton ibana asa diulahon nasida petunjuk taringot perkawinan, songon naung ditottuhon Debata di mulana i.—Markus 10:6-8.

 Anggo di Debata perkawinan i songon sada ikatan na permanen do i, na ikkon dipartahatton saleleng ni lelengna. Tikki menikah sahalak bawa dohot sahalak borua, marjanji do nasida asa setia tu pasanganna jala torus rap saleleng mangolu nasida. Dituntut Debata do asa torus ditepati nasida janjina i.—Markus 10:9.

 Sipata ikkon pisah manang padao-dao do suami dohot istri ala ikkon mangurus keluarga ni nasida na tinggal di luat na dao. Alai dang adong dipaboa di Bibel ikkon berpisah manang padao-dao nasida molo adong masalah perkawinan. Justru molo adong masalah, dijujui do suami manang istri asa berupaya lao mardame.—1 Korint 7:10.

 Dipaboa do di Bibel holan alani perzinahan manang mangalakkup do boi pasangan naung menikah bercerai. (Mateus 19:9) Alani i molo dang alani perzinahan sahalak suami dohot istri berpisah manang bercerai, menurut Bibel dang boi nasida bebas marhallet manang menikah muse.—Mateus 5:32; 1 Korint 7:11.

 Dituntut Debata do asa dioloi halak Kristen hukum ni pamaretta taringot perkawinan. (Titus 3:1) Jadi molo boi do didaftarhon halak naung menikah perkawinanna secara hukum, on patuduhon na direspek nasida do hukum ni pamaretta dohot petunjuk ni Debata na manganggap perkawinan i songon ikatan na permanen. a

•   Rap martanggung jawab. Suami dohot istri ikkon marsihaholongan jala marsipasangapan. (Epesus 5:33) Ikkon diparrohahon nasida do kebutuhan seksual ni pasanganna be jala mardongan holong ma i dipatudu. Asing ni i ikkon dihindari nasida do manang aha pe na mambahen nasida dang setia. (1 Korint 7:3; Heber 13:4) Molo adong anakkon ni nasida, ikkon rap martanggung jawab do suami dohot istri lao pabalgahon nasida.—Poda 6:20.

   Dang adong ditottuhon di Bibel songon dia carana suami dohot istri mambagi tanggung jawabna, termasuk ma karejo mangalului hepeng dohot karejo di jabu. Nasida sandiri do na ikkon mambahen keputusan songon dia cara na dumenggan tu keluargana.

•   Tugas ni suami. Didok di Bibel “suami do ulu ni istrina”. (Epesus 5:23) Lapatan ni ayat i, i ma ikkon dibimbing ibana do keluargana jala ikkon dibahen ibana do keputusan na parohon na denggan tu istri dohot tu anakkonna.

   Ikkon dipastihon suami do tetap sehat, marlas ni roha, jala jonok hubungan ni keluargana tu Debata. (1 Timoteus 5:8) Ikkon dihargai suami do istrina jala olo bekerja sama dohot istrina. Dipertimbangkon ibana do pendapatna dohot perasaanna tikki mambahen keputusan. (Poda 31:11, 28) Didok di Bibel ikkon dipatudu suami do holong ni roha tikki naeng mangulahon tanggung jawabna di keluarga.—Kolosse 3:19.

•   Tugas ni istri. Didok di Bibel, “ikkon sangap do bahenon ni istri tu suamina”. (Epesus 5:33) Las do roha ni Debata molo dihargai istri suamina.

   Tugas ni sahalak istri i ma mangurupi suamina mambahen keputusan na denggan jala mendukung tugas ni suamina lao membimbing keluargana. (1 Musa 2:18) Didok di Bibel massai penting do tugas ni sahalak istri di keluarga jala dipuji do ibana molo denggan mangulahon i.—Poda 31:10.

 Daong. Memang najolo diparettahon Debata do tu akka halak na manomba Ibana asa marianakkon nasida. (1 Musa 1:28; 9:1) Alai paretta i dang ikkon diulahon halak Kristen. Dang hea diparettahon Jesus asa marianakkon akka halak na mangihutton ibana. Murid-murid ni Jesus na di abad na parjolo pe dang hea didok na ikkon marianakkon sude halak naung menikah. Halak na menikah i sandiri do na memutusson nasida ikkon marianakkon manang na dang.

 Bibel marisi prinsip dohot nasehat na boi mangurupi asa bahagia akka halak na baru menikah. Akka prinsip na di Bibel i mangurupi nasida boi padaohon manang mangatasi masalah.

 Akka nasehat na di Bibel mangurupi suami manang istri patuduhon akka sifat na denggan on . . .

•   holong na sian Debata.—1 Korint 13:4-7; Kolosse 3:14.

•   sanggup mangatasi perbedaan.—1 Korint 10:24.

•   burju manangihon.—Jakobus 1:19.

•   respek.—Rom 12:10.

•   rade manalpuhon hasalaan.—1 Petrus 4:8.

•   setia.—Markus 10:9.

•   sabar.—Epesus 4:2, 3.

•   bekerja sama songon sada tim.—Parjamita 4:9.

•   berupaya asa tetap kuat hubungan ni nasida.—Akka Ende 8:7.