Balga hian do pengaruh ni Sibolis tu akka jolma. Bibel mandok, “Di bagasan huaso ni Sibolis do saluhut portibi on.” (1 Johannes 5:​19) Dipaboa do di Bibel akka cara na dipakke Sibolis lao mempengaruhi hita.

•   Mangoto-otoi. Dijujui Bibel do halak Kristen asa mangalo akka “jorat ni Sibolis.” (Epesus 6:​11) Sada sian joratna, i ma mambahen akka halak na mangihutton ibana hira na manomba Debata.​—2 Korint 11:13-​15.

•   Spiritisme. Dioto-otoi Sibolis do akka jolma marhite akka datu, peramal, akka halak na mamakke ilmu gaib, dohot ramalan bintang. (5 Musa 18:10-​12) Biasana ummura do dipengaruhi Sibolis akka halak na mamakke narkoba, na mangulahon praktek hipnotis, dohot meditasi, na mambahen gabe kosong pikkiranna.​—Lukas 11:24-​26.

•   Agama palsu. Diajarhon agama palsu do ajaran na sala na mambahen akka halak dang mangoloi hata ni Debata. (1 Korint 10:20) Di Bibel digoari ma i “ajaran ni suru-suruan na jahat.”​—1 Timoteus 4:1.

•   Merasuki akka jolma. Di Bibel, dipaboa do piga-piga kisah na patuduhon boi do Sibolis mengendalihon sasahalak. Misalna, dibahen ma jolma na kerasukan i gabe buta, bisu, jala melukai dirina sandiri.​—Mateus 12:22; Markus 5:​2-5.

Boha carana asa unang dipengaruhi Sibolis

 Unang ma pola mabiar hamu tu suru-suruan jahat. Alana dipaboa Bibel do akka cara na boi mangurupi hita mangalo Sibolis:

•   Porlu do botoonmuna akka cara na dipakke Sibolis, “asa unang gabe i dipakke Sibolis lao manaluhon hita.”​—2 Korint 2:​11.

•   Parsiajari ma Bibel, jala ulahon ma akka nasehat ni Bibel i di ngolumuna. Boi do i manjaga hita sian pengaruh ni Sibolis.​—Epesus 6:​11-​18.

•   Bolokkon ma sude na adong hubunganna tu suru-suruan na jahat. (Ulaon ni Apostel 19:19) Termasuk ma on akka musik, bukku, majalah, poster, dohot video na adong hubunganna tu spritisme.