4 Musa 24:1-25
24 Dung diboto si Bileam na lomo roha ni* Jahowa mamasu-masu halak Israel, dang dilului ibana be ilmu ramal na boi parohon jea tu bangso i.+ Alai diida ibana ma doppak gurun.
2 Disi, diida ibana ma halak Israel markemah mangihutton margana be.+ Ro ma tondi parbadia ni Debata tu ibana.+
3 Didok ibana ma puisi on:+
“Hata ni si Bileam anak ni si Beor,Hata ni sahalak bawa naung dibukka matana,
4 Hata ni sahalak bawa na mambege hata ni Debata,Na mangida parnidaan sian Debata Pargogo na So Hatudosan,Na marsomba huhut bukka matana,+
5 Uli nai kemahmon, ale Jakkob,Tabernakelmon, ale Israel!+
6 Dos songon rura* na ganjang sahat tu inganan na dao,+Dos songon porlak na di topi ni sunge,Dos songon hau gaharu* na disuan Jahowa,Jala dos songon hau ares di topi ni batang aek.
7 Toktong do ro aek sian timbana na dua i,Di labbung ni aek na godang+ do disabur bonina.*
Ussangap do rajana+ sian si Agag,+Jala dipatimbo do harajaonna sogot.+
8 Diboan Debata do ibana kaluar sian Mesir,Songon tanduk ni lombu jantan liar do Ibana di nasida.
Boddutonna ma akka bangso, akka na jahat tu ibana,+Hilhilonna ma holi-holi ni nasida, jala hancurhononna ma nasida mamakke panahna.
9 Peak do ibana songon singa na modom,Tarsongon singa, ise ma na barani mandungoi ibana?
Dipasu-pasu do halak na mamasu-masu ho,Jala diburai do halak na mamburai ho.”+
10 Muruk situtu ma si Balas tu si Bileam. Jut hian do rohana, jala martopak ma ibana huhut mandok, “Na lao mamburai musukku do umbahen na hujou ho.+ Hape gabe dipasu-pasu ho do nasida tolu hali.
11 Saonari mulak ma ho. Sasittongna naeng bahenokku hian do ho gabe halak na massai sangap.+ Alai diabbati Jahowa do ho mandapot i.”
12 Didok si Bileam ma tu si Balas, “Kan nga hudok hian tu halak na sinurumi,
13 ‘Haru dilehon si Balas pe di au jabuna na gok perak dohot mas i, dang olo au mangulahon lobi sian na diparettahon Jahowa. Atik na denggan pe paretta i manang na roa. Holan hata na lao didok Jahowa do na ikkon paboaokku.’+
14 Saonari, mulak nama au tu bangsokku. Jala hudok ma tu ho aha na lao bahenon ni bangso on tu bangsom haduan.”*
15 Didok si Bileam ma puisi on:+
“Hata ni si Bileam anak ni si Beor,Hata ni sahalak bawa naung dibukka matana,+
16 Hata ni sahalak bawa na mambege hata ni Debata,Halak na mamboto taringot Natumimbul i,Na mandapot parnidaan sian Pargogo na So Hatudosan i,Na marsomba huhut bukka matana,
17 Idaokku do ibana, alai dang saonari,Tatapokku do ibana, alai haduan.
Ro do sogot sada bintang+ sian si Jakkob,Ro do sogot tukkot harajaon+ sian Israel.+
Hancurhononna do sogot ulu ni halak Moab,+Raphon ulu ni sude tentara na jahat.
18 Tikki dipatudu Israel na barani ibana,Buatonna ma Edom,+Jala gabe appuna ni musuna+ ma Seir.+
19 Sian si Jakkob do ro sasahalak na lao manaluhon musu,+Jala hancurhononna do manang ise pe na malua sian kota i.”
20 Tikki diida si Bileam halak Amalek, didok ma muse puisi on:
“Bangso Amalek do nian na parjolo sian akka bangso,*+Alai ujungna dipamate do ibana.”+
21 Tikki diida ibana halak Keni,+ didok ibana ma puisi on:
“Aman do ingananmu tinggal, jala di dolok batu do ho maringanan.
22 Alai ro ma sasahalak manutung halak Keni.*
Sadia leleng nai ma ro halak Asiria asa diboan hamu tu luat ni nasida?”
23 Ditorusson ibana ma muse puisi on:
“Marjea ma ho! Dang adong na boi malua molo dibahen Debata songon on.
24 Ro ma akka kapal sian pantai ni Kitim,+Taluhononna ma Asiria,+Jala taluhononna ma Heber.
Alai ibana pe lao dihancurhon do.”
25 Dung i lao ma si Bileam+ mulak tu hutana. Jala si Balas pe mulak ma.
Surat na di toru
^ As. “na denggan do di”.
^ Na nidokna dison, i ma hau na angur na gota dohot miakna dipakke lao mambahen parfum.
^ Manang “pinopparna”.
^ As. “di ujung ni akka ari”.
^ Na nidokna dison, bangso on do na parjolo ro mangalo halak Israel dung kaluar nasida sian Mesir.
^ As. “si Kain”.
