Jeremia 10:1-25
10 Ale halak Israel, tangihon ma hata ni Jahowa na dipasahat tu hamu.
2 Songon on ma hata ni Jahowa,
“Unang parsiajari hamu hasomalan ni akka bangso na asing,+Jala unang pola mabiar hamu tu akka tanda na di langitNang pe mabiar akka bangso tusi.+
3 Ai dang marlapatan sude hasomalan ni akka jolma i.
Sahalak tukkang manaba hau sian tombak,Dung i dibahen ibana ma i gabe patung mamakke perkakasna.*+
4 Dipakke nasida do perak dohot mas+ gabe hiasan ni patung i.Dipattikkon nasida do i tu tano mamakke tokkok jala dipakkuhon nasida do i asa unang madabu.+
5 Dos songon halak-halak na di ladang ansimun do akka patung i, na so boi makkatai+Ikkon diangkat do i, ai so boi akka patung i mardalan.+
Unang pola mabiar hamu tu nasida, ai so boi akka patung i mambahen na jahat,Manang mambahen na denggan tu hamu.”+
6 Dang adong na songon Ho ale Jahowa,+
Sangap do Ho, sangap do goarmu jala massai balga situtu do huasom.
7 Ale Raja ni akka bangso,+ ise ma na so mabiar tu Ho, ai tama do i jaloonmu.Ai sian sude akka halak na marbisuk di tonga-tonga ni akka bangso dohot di tonga-tonga ni akka harajaon,Dang adong na songon Ho.+
8 Dang marroha jala oto do nasida sude.+
Dang marguna poda na dijalo sian sada hau.+
9 Dituhor nasida do piring na sian perak sian Tarsis+ dohot mas na sian Upas.Hasil na ditukkangi sahalak tukkang na malo dohot tukkang logam do i.
Baju ni nasida dibahen sian bonang na balau dohot sian wol na ungu.
Sudena i, dibahen akka parkarejo na malo.
10 Alai Jahowa do Debata na sittong.*
Ibana do Debata na mangolu,+ Raja na saleleng ni lelengna.+
Molo muruk Ibana, humutur do tano on.+Jala molo muruk Ibana, dang adong bangso na boi martahan.
11 * Songon on ma dokkon tu nasida,
“Akka debata na so mambahen langit dohot tano onIkkon dihancurhon do sian tano on dohot sian toru ni langit on.”+
12 Ibana do na manoppa tano on marhite huasona,Ibana do na mambahen tano on gabe subur marhite hapistaranna,+Jala Ibana do na pahembangkon langit marhite habisukonna.*+
13 Tikki marsoara Ibana,Marsasak do aek na di langit.+Dibahen Ibana do tarangkat akka ombun* sian ujung ni tano on.+
Diparo Ibana do sillam di tikki ro* udan,Jala diparo Ibana do alogo sian akka inganan panimpananna.+
14 Pangalaho ni ganup halak patuduhon dang marroha jala dang marparbinotoan nasida.
Dipaila ma akka tukkang logam i alani patung na dipahat nasida.+Ai palsu do patung na sian logam i,Dang marhosa akka patung i.+
15 Dang marlapatan sude akka patung i, tama do i lao gabe sirehe-rehean.+
Ai molo dung juppang ari panguhuman i, dihancurhon do i sude.
16 Alai anggo Debata* ni si Jakkob, dang songon akka patung i,Ibana do na manoppa sudena.Israel i do tukkotna, arta ni Ibana.*+
Ditanda do Ibana Jahowa Pamimpin ni Akka Tentara.*+
17 Ale borua* na tinggal di inganan na hona kepung,Papungu ma akka barang-barangmu na peak di tano.
18 Ai songon on do hata ni Jahowa,
“Saonari, sappattonokku ma tu luar akka penduduk ni luat on,+Jala bahenokku ma nasida makkilala hasusaan.”
19 Marjea ma au, ai nungnga hancur be au!+
Dang tarubatan be lukka na di dagingki.
Hudok ma, “On ma sahitti, ikkon taonokku do on.
20 Nungnga hancur be kemah appunakki, jala nungnga putus be akka talina.+
Nungnga ditadikkon akka anakku be au jala dang adong be nasida.+
Dang adong be na boi mamasang kemahki manang manggattukkon kain kemah i.
21 Ai ulaon ni halak na oto do na diulahon ni akka parmahan,+Dang jolo dijalo nasida tudu-tudu sian Jahowa.+
Alani i ma dang marbisuk nasida mangulahon ulaonna,Gabe marserak ma sude na diparmahan nasida.”+
22 Tangihon ma! On ma barita na baru dipasahat!
Nungnga adong na guttur di luat na di utara,+Nungnga ro akka tentarana lao mambahen kota na di Juda tarulang, bahenonna ma kota i gabe inganan ni anjing hutan.+
23 Ale Jahowa, takkas do huboto dang marhuaso jolma lao manottuhon dalan ni ngoluna,
Jala dang marhuaso jolma lao manottuhon lao tudia ibana mangalakka.+
24 Ale Jahowa, pareso ma au, jala tigor ma bahen tikki mangadili au,Alai unang ma di bagasan muruk Ho+ mangulahon i, asa unang dipamate Ho au.+
25 Usehon ma murukmi tu akka bangso na so mananda Ho+Dohot tu akka marga na so manjou goarmu.
Ai nungnga dihancurhon nasida si Jakkob,+Ai nungnga naeng habis dibahen nasida sude pinopparna,+Jala nungnga gabe tano na harsang dibahen nasida luatna i.+
Surat na di toru
^ Manang “parang na bengkok”.
^ Manang “na tutu”.
^ Teks asli ni ayat 11 disurat di bahasa Aram.
^ Manang “pangattusionna”.
^ Manang boi do “Dibukka Ibana do akka pintu asa ro”.
^ Manang “uap air”.
^ As. “Parbagianan”.
^ As. “tukkot parbagiananna”.
^ As. “Goarna i ma Jahowa Pamimpin ni Akka Tentara”.
^ Na nidokna, i ma Jerusalem.
