Josua 15:1-63
15 Tano parbagianan na dilehon*+ tu akka keluarga sian marga Juda, i ma mulai sian parbatasan Edom,+ gurun na di Zin, sahat tu ujung ni Negeb di sabola selatan.
2 Parbatasan ni tano parbagianan ni nasida di sabola selatan, mulai ma i sian ujung ni Laut Sira,*+ i ma pantai na di sabola selatan.
3 Sahat do muse parbatasan ni tano parbagianan ni nasida tu Tanjakan Akrabim,+ sahat do muse tu Zin. Jala sian sabola selatan torus ma muse tu Kades-barnea,+ tu Hezron, tu Adar sahat tu Karka.
4 Dung i sahat ma i muse tu Azmon,+ tu Sunge* Mesir,+ dohot tu Laut na Balga.* On ma parbatasan tano parbagianan ni nasida di sabola selatan.
5 Parbatasan ni tano parbagianan ni nasida di sabola timur, i ma Laut Sira* sahat tu ujung ni Sunge Jordan. Mulai sian pantai ni Laut Sira na di ujung ni Sunge Jordan+ i ma parbatasan ni parbagianan ni nasida di sabola utara.
6 Sahat ma muse parbatasan i tu Bet-hoglah,+ tu bagian utara ni Bet-araba,+ dohot tu Batu Bohan.+ (Bohan i ma goar ni anak ni si Ruben.)
7 Torus ma muse parbatasan i tu Debir na di Rura Akor,+ tu Gilgal+ na di sabola utara di jolo ni Tanjakan Adumim jala na di sabola selatan ni sunge* i. Torus ma muse i tu mual En-semes+ jala marujung ma i di En-rogel.+
8 Torus ma muse parbatasan i tu Rura Anak ni Hinnom,+ tu huta ni halak Jebus+ na mardolok-dolok di sabola selatan, i ma Jerusalem.+ Torus ma i muse tu ginjang ni dolok na di jolo ni Rura Hinnom na di sabola barat, na di ujung ni Rura Repaim sabola utara.
9 Sian dolok i torus ma muse tu mual Neptoa+ sahat tu akka kota na di Dolok Epron. Torus ma muse i tu Baalah, i ma Kiriat-jearim.+
10 Sian Baalah torus ma muse tu sabola barat, i ma tu Dolok Seir. Jala torus ma muse tu Kesalon, i ma huta na mardolok-dolok di Jearim na di sabola utara. Torus ma i muse tu Bet-semes+ dohot tu Timna.+
11 Torus ma muse parbatasan i tu huta na mardolok-dolok di Ekron+ sabola utara, tu Sikron, tu Dolok Baalah, dohot tu Jabnel jala marujung ma i di laut.
12 Parbatasan ni tano parbagianan ni nasida di sabola barat, i ma Laut na Balga*+ dohot pantaina. On ma parbatasan ni tano parbagianan ni akka keluarga na sian marga Juda.
13 Songon paretta ni Jahowa tu si Josua, dilehon ibana do tano parbagianan tu si Kaleb+ anak ni si Jepune di tonga-tonga ni tano parbagianan ni marga Juda. Dilehon do tu si Kaleb huta Hebron+ manang Kiriat-arba. (Arba i ma goar ni bapak ni si Enak.)
14 Alani i, dipalao si Kaleb ma sian huta i tolu anak ni si Enak,+ i ma si Sesai, si Ahiman, dohot si Talmai.*+ Nasida ma pinoppar ni si Enak.
15 Sian i, lao ma ibana mangalo halak Debir.+ (Najolo Kiriat-seper do goar ni Debir.)
16 Dung i didok si Kaleb ma, “Manang ise na boi manaluhon Kiriat-seper, lehonokku ma tu ibana borukku si Aksa.”
17 Ditaluhon si Otniel+ anak ni si Kenas,+ anggi ni si Kaleb ma huta i. Dung i dilehon si Kaleb ma boruna si Aksa i+ gabe istri ni si Otniel.
18 Tikki mulak si Aksa, didok ma tu suamina asa dipangido tano tu bapakna si Kaleb. Dung i turun ma si Aksa sian halodena.* Didok si Kaleb ma tu ibana, “Aha do na dipangido ho?”+
19 Didok si Aksa ma, “Lehon ma tu au hadiah. Ai nungnga dilehon bapak tu au tano na di sabola selatan,* lehon ma muse tu au Gulot-maim.”* Dung i, dilehon si Kaleb ma tu ibana Gulot na di ginjang dohot Gulot na di toru.
20 On ma tano parbagianan ni akka keluarga na sian marga Juda.
21 Akka kota di ujung ni tano parbagianan ni marga Juda na di parbatasan ni Edom+ di sabola selatan i ma: Kabseel, Eder, Jagur,
22 Kina, Dimona, Adada,
23 Kedes, Hazor, Jitnan,
24 Sip, Telem, Belot,
25 Hazor-hadata, Keriot-hesron i ma Hazor,
26 Amam, Sema, Molada,+
27 Hazor-gadda, Hesmon, Palet,+
28 Hasar-sual, Ber-seba,+ Biziotia,
29 Baalah, Ijim, Esem,
30 Eltolat, Hesil, Horma,+
31 Ziklag,+ Madmana, Sansana,
32 Lebaot, Silhim, Ain, dohot Rimmon.+ Sude 29 kota dohot akka hutana.
33 Akka kota di Syefela,+ i ma Estaol, Zora,+ Asna,
34 Sanoa, En-ganim, Tappua, Enam,
35 Jarmut, Adullam,+ Soko, Azeka,+
36 Saraim,+ Aditaim, Gedera, dohot Gederotaim.* Sude 14 kota dohot akka hutana.
37 Dohot do muse Zenan, Hadasya, Migdal-gad,
38 Dilon, Mispe, Joktel,
39 Lakis,+ Boskat, Eglon,
40 Khabon, Lahmas, Kitlis,
41 Gederot, Bet-dagon, Naama, dohot Makkedah.+ Sude 16 kota dohot akka hutana.
42 Dohot do muse Libna,+ Eter, Asan,+
43 Ipta, Asna, Nesib,
44 Keila, Aksib, dohot Maresa. Sude sia kota dohot akka hutana.
45 Dohot do muse Ekron, akka kota di sakalilingna dohot akka hutana.
46 Dohot do muse mulai sian Ekron di sabola barat, sude luat na jonok tu Asdod dohot akka hutana.
47 Dohot do muse Asdod,+ akka kota di sakalilingna, dohot akka hutana. Dohot do muse Gasa,+ akka kota di sakalilingna, dohot akka hutana. Dohot do muse Sunge* Mesir, Laut na Balga,* dohot akka huta na jonok tu laut i.+
48 Di inganan na mardolok-dolok, i ma Samir, Jatir,+ Soko,
49 Danna, Kiriat-sanna i ma Debir,
50 Anab, Estemo,+ Anim,
51 Gosen,+ Holon, dohot Gilo.+ Sude 11 kota dohot akka hutana.
52 Dohot do muse Arab, Duma, Esan,
53 Janum, Bet-tapua, Apeka,
54 Humta, Kiriat-arba i ma Hebron,+ dohot Zior. Sude sia kota dohot akka hutana.
55 Dohot do muse Maon,+ Karmel, Sip,+ Jutta,
56 Jisreel, Jokdeam, Sanoa,
57 Kain, Gibea, dohot Timna.+ Sude sappulu kota dohot akka hutana.
58 Dohot do muse Halhul, Bet-zur, Gedor,
59 Maarat, Bet-anot, dohot Eltekon. Sude onom kota dohot akka hutana.
60 Dohot do muse Kiriat-baal, i ma Kiriat-jearim+ dohot Rabba. Sude dua kota dohot akka hutana.
61 Akka kota na di gurun, i ma Arbati,+ Midin, Sekaka,
62 Nibsan, Huta Sira, dohot En-gedi.+ Sude onom kota dohot akka hutana.
63 Alai dang boi halak Jebus+ na maringanan di Jerusalem+ dipalao halak Juda.+ Alani i, rap maringanan ma halak Jebus dohot halak Juda di Jerusalem sahat tu sadari on.
Surat na di toru
^ Manang “dilehon marhite undi”.
^ I ma Laut Mati.
^ I ma Laut Tengah.
^ I ma Laut Mati.
^ I ma Laut Tengah.
^ Ida surat na di toru di hata Talmai na di 4Mus 13:22.
^ Manang boi do “Dung i martopak ma ibana tikki di ginjang ni halodena”.
^ Manang “Negeb”.
^ Lapatanna, “Tano na Godang Aekna”.
^ Manang boi do “Gedera dohot akka kandang ni biru-biruna”.
^ I ma Laut Tengah.
