Josua 3:1-17
-
Menyeberangi Sunge Jordan (1-17)
3 Marsogotna i, hatop ma si Josua dungo. Lao ma ibana dohot sude bangso Israel sian Sitim+ jala sahat ma nasida di Sunge Jordan. Marborngin do nasida disi andorang so menyeberang.
2 Tolu ari dukkon i, lao ma akka pamimpin+ ni bangso i tu perkemahan ni bangso i.
3 Didok nasida ma tu bangso i, “Molo diida hamu akka malim Lepi+ mamboan poti parpadanan ni Jahowa Debatamuna, borhat ma hamu mangihutton nasida.
4 Alai bahen hamu ma jarak sian nasida hira-hira 890 meter.* Unang ma pajonokku hamu tu nasida, asa diboto hamu tudia hamu ikkon mardalan. Ai dang hea dope didalani hamu dalan i.”
5 Didok si Josua ma tu bangso i, “Pabadia hamu ma dirimuna.+ Ai bahenon ni Jahowa do marsogot halongangan* di tonga-tongamuna.”+
6 Didok si Josua ma tu akka malim, “Boan hamu ma poti parpadanan i+ jala mardalan ma hamu di jolo ni bangso i.” Dung i diulahon akka malim ma songon i.
7 Didok Jahowa ma tu si Josua, “Mulai sadari on, bahenokku ma ho sangap di jolo ni bangso Israel,+ asa diboto nasida na donganakku do ho+ songon Au na mandongani si Musa.+
8 Paboa ma paretta on tu akka malim na mamboan poti parpadanan i, ‘Molo dung sahat hamu di topi ni Sunge Jordan, masuk jala jongjong ma hamu di sunge i.’”+
9 Dung i didok si Josua ma tu bangso Israel, “Ro ma hamu, jala tangihon hamu ma hata ni Jahowa Debatamuna.”
10 Didok si Josua ma muse, “Saonari, botoonmuna ma, na di tonga-tongamuna do Debata na mangolu i.+ Palaoonna ma sian jolomuna halak Kanaan, halak Het, halak Hevi, halak Perisi, halak Girgasi, halak Amori, dohot halak Jebus.+
11 Ida ma! Nungnga parjolo diboan poti parpadanan ni Tuan ni saluhut tano on tu Sunge Jordan.
12 Saonari, pillit ma 12 bawa sian marga ni Israel, sahalak sian ganup marga.+
13 Dung i diboan akka malim ma poti parpadanan ni Jahowa, Tuan ni saluhut tano on. Disi didege nasida sunge i, dang mardalan be aek sian ginjang, jala gabe songon bendungan* ma aek i.”+
14 Dung i borhat ma bangso i sian perkemahan ni nasida lao menyeberang sian Sunge Jordan. Mardalan ma akka malim na mamboan poti parpadanan+ di jolo ni bangso i.
15 (Di tikki i musim panen do jala balga do aek+ ni Sunge Jordan.) Sahat ma akka malim na mamboan poti parpadanan i di Sunge Jordan. Disi dais pat ni nasida tu aek i,
16 dang mardalan be aek i sian ginjang. Dao sian nasida, gabe songon bendungan* ma aek i di Adam, i ma kota na jonok tu Zaretan. Gabe dang mardalan be aek i tu Laut Araba manang Laut Sira.* Dung koring aek i, gabe boi ma bangso i menyeberang sian Sunge Jordan, jala sahat ma nasida jonok tu kota Jeriko.
17 Sai jongjong+ do akka malim na mamboan poti parpadanan ni Jahowa di tonga-tonga ni Sunge Jordan. Tikki na jongjong i nasida, mardalan ma sude bangso i sian sunge naung koring i+ tu bariba ni Sunge Jordan.
Surat na di toru
^ As. “2.000 asta”. Ida Lampiran B14.
^ Manang “mukjizat”.
^ Manang “tembok”.
^ Manang “tembok”.
^ I ma Laut Mati.
