Psalmen 12:1-8
-
Ro nama Jahowa
-
Ias do hata ni Debata (6)
-
Tu pamimpin ni akka parende: Dibahen tu nada rendah.* Ende ni si Daud.
12 Ale Jahowa, palua ma au, ai dang adong be halak na setia.Dang adong be halak na boi dihaporseai di tonga-tonga ni jolma.
2 Masigabusan do akka halak.Holan na mamanggar-manggar jala mangoto-otoi do dipakke nasida dila ni nasida.+
3 Ponggolon ni Jahowa do dila ni sude halak na sai mamanggar-manggarDohot dila ni siginjang roha na marhata manggang,+
4 Didok nasida do, “Sai marhasil do hami dibahen dilanami.
Lomo-lomonami do mamakke pamangannami.Ise ma na boi mangatur hami?”+
5 Didok Jahowa do, “Ro nama Au,Ai nungnga disiksa be akka halak na dangol,+Jala morong-orong do akka halak na pogos,
Alani i, paluaokku ma nasida sian akka halak na leas rohana tu nasida.”
6 Ias* do hata ni Jahowa.+Dos do i songon perak naung ditutung pitu hali di hudon tano* asa ias.
7 Linggomanmu do nasida ale Jahowa.+Sude do nasida jagaonmu sian sundut* on saleleng ni lelengna.
8 Holan lomo-lomona do diulahon halak na jahat,Ai lomo do roha ni akka anak ni jolma tu na jahat.+
Surat na di toru
^ Hata ni Jahowa ias dos songon mas na ias dung ditutung di api.
^ Manang boi do “di tungku na dipeakkon di tano”.
^ Manang “generasi”.
