Psalmen 26:1-12
Sian si Daud.
26 Ale Jahowa, bahen ma na tigor tu au, ai setia do au tu Ho.+Toktong do au marhaposan tu Jahowa.+
2 Ale Jahowa, pareso ma au jala uji ma au.Paias ma rohakku+ dohot pikkiranku.*
3 Ai sai hurimangi do holong ni roha* na pinatudum,Jala huulahon do sude lomo ni roham.*+
4 Dang mardongan au tu* pangoto-otoi,+Jala hupadao do dirikku sian halak na munafik.
5 Sogo do rohakku mangida punguan ni akka parjahat,+Jala dang olo au mardongan tu* halak na jahat.+
6 Husussi ma tanganku patuduhon na so marsala au,Jala hukalilingi ma langgatanmu ale Jahowa,
7 Dung i, gogo ma soarakku mandok mauliate tu Ho,+Jala paboaokku ma akka ulaonmu na palongang roha.
8 Ale Jahowa, huhaholongi do jabu ingananmi,+Inganan ni hasangaponmi.+
9 Unang ma palao au rap dohot pardosa,+Unang ma pamate au rap dohot halak na kejam,*
10 Diulahon nasida do ulaon ni halak na so umboto ila,Jala lomo do rohana manjalo suap.*
11 Alai molo au, toktong do au setia tu Ho.
Alani i, palua* ma au jala asi ma roham tu au.
12 Jongjong do au di inganan na aman.*+Pujiokku ma Ho di tonga-tonga ni bangsom na bolon i ale Jahowa.+
Surat na di toru
^ As. “ginjalhu”.
^ Manang “Mardalan do au di dalanmu na tigor i”.
^ As. “Dang hundul au rap dohot”.
^ As. “hundul rap”.
^ Manang “dohot pambunu”.
^ Manang “mangalehon suap tu na asing”.
^ As. “tobus”.
^ As. “di tano na dosdos”.
