Psalmen 76:1-12
Tu pamimpin ni akka parende. Na diendehon mardongan alat musik na martali. Ende ni si Asap.+
76 Sude do halak di Juda mananda Debata,+Jala sangap do goarna di Israel.+
2 Di Salem do Ibana tinggal,+Jala di Sion do Ibana maringanan.+
3 Diponggolhon Ibana do disi akka anak panah na marapi,Perisai, podang, dohot sinjata porang.+ (Sela)
4 Ale Debata marsinondang do Ho,Ussangap do Ho sian akka dolok inganan ni binatang buas.
5 Nungnga dirampok be akka halak na barani.+
Nungnga mate be nasida,Jala dang margogo be sude tentara ni nasida.+
6 Ale Debata ni si Jakkob,Ala disonggak Ho akka halak na markareta porang dohot hodana, gabe mate ma nasida.+
7 Holan Ho do sihabiaran.+
Ise ma na tolap jongjong tikki muruk Ho?+
8 Dipaboa Ho do keputusanmu sian surgo.+Gabe mabiar ma tano on jala hohom+
9 Tikki ro Debata lao mangadili,Lao paluahon sude halak na lambok roha di tano on.+ (Sela)
10 Molo muruk jolma, gabe dipuji do Ho.+Jala manang aha pe na parpudi sahali dibahen jolma lao papuasson rimasna, parohon sangap do i tu Ho.
11 Marsumpa ma hamu tu Jahowa Debatamuna jala garar ma i,+Lok ma sude halak na di sakalilingna makkabiari Ibana jala mamboan silehon-lehon tu Ibana.+
12 Gabe marlea do bahenonna akka pamimpin na ginjang roha,Jala bahenonna do mabiar akka raja na di tano on.
