Psalmen 82:1-8
Ende ni si Asap.+
82 Jongjong do Debata di inganan parpunguanna,+Tikki mangadili Ibana di tonga-tonga ni akka debata* didok Ibana do,+
2 “Sadia leleng nai do bahenonmuna na so tigor tikki mangadili+Jala dibela hamu halak na jahat?+ (Sela)
3 Bela* ma halak na dangol dohot halak na so marama.+
Bahen ma na tigor tu halak na so adong pangalu-aluanna dohot tu halak na pogos.+
4 Palua ma halak na dangol dohot halak na pogos,Palua ma nasida sian tangan ni halak na jahat.”
5 Dang diboto akka hakim i agia aha, dang diattusi nasida agia aha.+Di na holom do nasida mardalan,Dang adong be na mangulahon na tigor jala dang adong be na mangargai Patik.*+
6 “Hea do hudok, ‘Akka debata* do hamu,+Anak ni Natumimbul i do hamu sude.
7 Alai ikkon mate do hamu songon halak na asing,+Jala ikkon marujung do ngolumuna songon pamimpin na asing!’”+
8 Ale Debata, ro ma Ho jala adili ma tano on,+Ai appunam do saluhut bangso.
Surat na di toru
^ Manang “akka na songon debata”. Na nidokna dison, olo do ra akka halak na gabe hakim di Israel.
^ Manang “Adili”.
^ As. “Hutur-hutur ma fondasi ni tano on”.
^ Manang “Akka na songon debata”.
