Psalmen 85:1-13
Tu pamimpin ni akka parende. Ende ni pinoppar ni si Kora.+
85 Ale Jahowa, asi do roham tu pangisi ni luatmi,+Diboan Ho do mulak pinoppar ni si Jakkob na ditawan i.+
2 Dilupahon Ho do hasalaan ni bangsom,Disesa Ho do sude dosa ni nasida.+ (Sela)
3 Ditahan Ho do rimasmu,Jala dang muruk be Ho.+
4 Ale Debata na paluahon hami, jalo* ma hami muse,Jala unang be sai jut roham tu hami.+
5 Tarrimas nama Ho tu hami saleleng ni lelengna?+
Muruk nama Ho tu hami saleleng ni lelengna?
6 Patogu ma hami museAsa boi bangsom marlas ni roha alani Ho.+
7 Ale Jahowa, patudu ma holong ni roham* tu hami,+Jala palua ma hami.
8 Begeokku do hata ni Jahowa Debata na sittong i,Ai paboaonna do taringot hadameon tu bangsona,+ akka naposona na setia,Alai unang ma loas nasida mangasahon diri ni nasida sandiri songon najolo i.+
9 Rade do Debata paluahon akka halak na makkabiari Ibana,+Asa toktong tinggal hasangaponna i di hutatta.
10 Pajuppang ma holong ni roha* dohot roha na setia,Jala rap mardalan ma hatigoran* dohot hadameon.+
11 Martunas ma roha na setia di tano on,Jala marsinondang ma hatigoran sian langit.+
12 Lehonon ni Jahowa ma akka na denggan,+Jala marhasil ma na taula di tanotta.+
13 Mardalan ma hatigoran di jolona,+Jala diparade hatigoran i ma dalan tu Ibana.
Surat na di toru
^ Manang “papungu”.
