PELAJARAN 55
Urupi ma Huriamuna
Marjuta do halak di portibi on na marlas ni roha manomba Jahowa. Jala bergabung do nasida tu marribu huria. Las do roha ni nasida mangihutton petunjuk na dijalo nasida. Jala lomo do roha ni nasida mangulahon manang aha pe lao mangurupi huria. Songon i do tong na dihilala hamu?
1. Songon dia do carana mamakke tikki dohot gogomuna lao mangurupi huria?
Sude do hita boi mangurupi huria. Contohna, adong do di huriamuna dongan na matua manang na marsahit? Molo adong, olo do hamu menjemput nasida lao marpungu? Manang olo do hamu mangurupi marhite cara na asing, contohna mangurupi nasida belanja manang paiasson jabu ni nasida? (Jaha Jakobus 1:27.) Boi do tong hita gabe relawan lao paiasson jala mangarawat Bale Harajaonta. Dang adong na mamaksa hita mangulahon i. Alai molo holong do rohatta tu Debata dohot tu akka donganta, pasti “rade do [hita] mangurupi”.—Psalmen 110:3.
Molo nungnga tardidi sasahalak, unggodang ma na boi diulahon ibana lao mangurupi huria. Molo memenuhi persyaratan sahalak donganta bawa, boi do ibana gabe parhobas. Jala di tikkina boi do ibana gabe sintua. Boi do donganta bawa dohot borua gabe perintis asa unggodang tikki ni nasida lao mangurupi ulaon marbarita. Jala adong do tong na olo gabe relawan lao pajongjokkon inganan parpunguan manang pinda tu huria na porlu diurupi.
2. Songon dia do carana mamakke hepeng manang akka na adong di hamu lao mangurupi huria?
Bibel mandok, “Pasangap ma Jahowa mamakke akka barangmu na arga.” (Poda 3:9) Pasti las do rohatta boi mamakke hepengta manang akka na adong di hita lao mangurupi huria dohot mangurupi ulaon marbarita di liat portibi on. (Jaha 2 Korint 9:7.) Asing ni i, dipakke do tong sumbangatta lao mangalehon bantuan kemanusiaan tu akka donganta na hona bencana. Godang do akka dongan na taratur “papulikkon” manang menyisihkan hepengna asa boi nasida mangalehon sumbangan. (Jaha 1 Korint 16:2.) Boi do tapamasuk sumbangatta tu kotak na adong di inganan parpunguanta. Manang talehon sumbangatta sian donate.dan124.com. Godang do cara lao patuduhon holongta tu Jahowa. Sada sian i, i ma mamakke hepengta manang akka na adong di hita lao mangurupi ulaon organisasi.
ASA LAM TAATTUSI
Taida ma akka aha na boi taulahon lao mangurupi huria.
3. Boi do talehon hepengta manang akka na adong di hita
Dihaholongi Jahowa dohot Jesus do halak na murah hati. Contohna, dipuji Jesus do sahalak ina na mabalu. Nang pe pogos ibana, berusaha do ibana mangalehon sumbangan. Jaha Lukas 21:1-4, dung i bahas ma sukkun-sukkun on:
-
Toho do ikkon godang sumbangatta asa las roha ni Jahowa?
-
Boha do perasaan ni Jahowa dohot Jesus molo sian ias ni rohatta hita mangalehon sumbangan?
Asa taboto tudia do sumbangatta dipakke, putar ma VIDEO. Dung i bahas ma sukkun-sukkun on:
-
Aha do manfaat ni sumbangatta tu akka huria di liat portibi on?
4. Boi do hita gabe relawan
Najolo, semangat do naposo ni Jahowa mangalehon sumbangan lao padenggatton inganan ni nasida manomba Jahowa. Alai sebenarna dang holan hepeng na diporluhon. Jaha 2 Kronika 34:9-11, dung i bahas ma sukkun-sukkun on:
-
Aha do muse na diulahon halak Israel lao padengatton jabu ni Jahowa manang inganan parpunguan ni nasida?
Asa taboto boha cara ni Saksi Jahowa maniru halak Israel najolo, putar ma VIDEO. Dung i bahas ma sukkun-sukkun on:
-
Boasa ikkon tapaias Bale Harajaonta jala tarawat?
-
Aha do na boi dibahen hamu lao mendukung ulaon i?
5. Boi do akka donganta bawa berusaha mandapot tanggung jawab di huria
Di Bibel, dianjurhon do akka bawa asa berusaha mandapot tanggung jawab di huria. Asa boi taida contohna, putar ma VIDEO. Dung i bahas ma sukkun-sukkun on:
-
Di video i, aha do na diulahon si Ryan asa boi ibana mandapot tanggung jawab di huria?
Dipaboa do di Bibel persyaratan asa boi donganta bawa gabe parhobas jala sintua di huria. Jaha 1 Timoteus 3:1-13, dung i bahas ma sukkun-sukkun on:
ADONG DO NA MANDOK: “Songon dia do hamu membiayai kegiatanmuna?”
-
Molo adong na mandok songon i, boha ma alusmuna?
KESIMPULAN
Las do roha ni Jahowa molo talehon tikkitta, gogotta, hepengta, dohot akka na adong di hita lao mangurupi huria.
Tinjauan
-
Songon dia do carana mamakke tikki dohot gogotta lao mangurupi huria?
-
Songon dia do carana mamakke hepengta manang akka na adong di hita lao mangurupi huria?
-
Aha do na boi diulahon hamu lao mangurupi huria?
LULUI MA
Taida ma boasa dang disuru Jahowa be naposona saonari mangalehon parpuluan.
Molo dang adong bawa na tardidi, boi do borua naung tardidi na mangulahon tanggung jawab di huria?
“Wewenang ni Sintua di Huria” (Joujou Paboahon, Februari 2021)
Tonton ma taringot akka donganta na barani, na olo mambahen pengorbanan lao mamboan akka publikasitta tu dongan na asing.
Sian dia do hepeng na dipakke Saksi Jahowa lao membiayai kegiatan ni nasida? Aha do beda ni i tu akka agama na asing?
“Sian dia do Hepeng na Dipakke tu Ulaon ni Sitindangi Ni Jahowa?” (Artikel web)
Mungkin Lomo do Rohamuna Mamboto
NA JOTJOT DISUKKUN HALAK
Songon dia do Parsiajaran Bibel na Dibahen Saksi Jahowa?
Boi do dipakke Bibel terjemahan na dia pe tikki marsiajar Bibel dohot Saksi Jahowa. Boi do diajak hamu donganmuna dohot keluargamuna.
