BOASA ON RINGKOT: Molo nunga diparade hian aha na laho diparsiajari, mura ma i diantusi jala diingot. Jala on boi mangurupi lam togu haporseaonna. Dung tardidi, ringkot do tongtong paradehon aha na laho diulas di parpunguan, songon i nang tingki laho marbarita. Molo diulahon on, boi ma nasida tongtong “jaga”. (Mat 25:13) Molo diparade hian do aha na laho diparsiajari jala dibahen jadwal na denggan, marlaba do on saleleng ngoluna. Alani i, hatop ma urupi parsiajar Bibelmuna asa somal paradehon aha na laho diparsiajari sian Bibel.

SONGON DIA CARANA:

• Gabe sitiruon ma hamu. (Rom 2:21) Denggan ma parsiajari aha na laho ulasonmu dohot parsiajar Bibelmuna, jala pingkirhon ma aha na ringkot di ibana. (km-IN 11/15 3) Patudu ma tu ibana bukumuna naung digarisi

• Jujui ma asa diparade na laho diparsiajari. Dung marsiajar hamu pigapiga hali, jujui ma asa diparade na laho diparsiajari jala paboa boasa i ringkot ulahononna. Asing ni i, urupi ma ibana asa diatur tingkina paradehon na laho diparsiajari. Tingki marsiajar, adong do pigapiga donganta mangalehon bukuna naung digarisi tu parsiajar Bibelna, jala dipatorang labana molo nunga diparade hian na laho diparsiajari. Molo nunga diparade hian na laho diparsiajari, puji ma ibana

• Patudu ma songon dia cara paradehon na laho diparsiajari. Dung pigapiga hali marsiajar, adong do angka donganta mangurupi parsiajar Bibelna paradehon na laho diparsiajari tingki marsiajar Bibel