Saleleng bulan November, lao dibahen do kegiatan khusus lao paboahon portibi na dumenggan nungnga jonok. (Ps 37:10, 11; Pgk 21:3-5) Jadi atur ma tikkimuna asa boi dohot hamu. Molo naeng dohot hamu merintis ekstra di bulan on, boi do dipillit hamu 30 manang 50 jam.

Persiappon ma akka ayat na lao dipaboa hamu tu akka halak taringot portibi na dumenggan. Dung dipersiappon hamu akka ayat i, pikkirhon ma ayat na dia do na menarik lao dibahas hamu tu akka halak di daerahmuna. Molo adong na berminat tu barita na dipasahat hamu, lehon ma Joujou Paboahon edisi umum No. 2 2021. Dung i, pittor juppangi ma muse nasida jala mulai ma parsiajaran Bibel dohot nasida mamakke brosur Mangolu Saleleng ni Lelengna. Pasti las situtu do roha boi paboahon “barita na uli taringot tu akka na dumenggan”.​—Jes 52:7.

TONTON MA VIDEO MUSIK RO MA PARADEISO, DUNG I ALUSI MA SUKKUN-SUKKUN ON:

• Aha do na dibayakkon dakdanak borua i di masa depan?

• Aha do na dihalomohon rohamuna na naeng dinikmati hamu di masa depan?

• Molo dirimangi hamu akka janji ni Debata na lao saut di Paradeiso, songon dia do i mangurupi hamu asa semangat tu kegiatan khusus saleleng bulan November?—Luk 6:45