Berbahaya do polusi udara tu makhluk hidup na adong di tano on. Holan sapersen do godang ni jolma di tano on na menghirup udara na ias sesuai tu standar ni Organisasi Kesehatan Dunia.

Boi do polusi udara mambahen jolma gabe hona sahit pernafasan, marsahit kanker paru-paru, dohot marsahit jantung. Bahkan alani polusi udara gabe hatop do jolma mate, hira-hira 7 juta halak ma na mate ganup taon.

Sebenarna dirancang do planetta asa boi torus menghasilhon udara na ias. Alai asa boi songon i, ikkon na dijaga jolma do udara i asa tetap ias, jala dang pagodangku mambahen polusi udara. Parrohahon ma akka bukti on:

• Boi do hutan menyerap karbon dioksida sian udara. Alai dao do unggodang karbon dioksida na boi diserap pohon bakau. Boi do sappe lima hali unggodang sian na diserap hutan tropis.

• Baru-baru on diparsiajari akka ilmuwan ma boi do ganggang manang rumput laut menyerap karbon dioksida sian udara. Adong do kantong udara di ganggang i na mambahen mumbang ganggang i. Tikki pocca kantong udara i, lonong ma ganggang i sahat tu dasar laut mamboan karbon dioksida naung diserap. Disi ma karbon dioksida i sappe marratus taon.

• Boi do atmosfer mambahen ias udara di tano on. Tarbukti ma i saleleng lockdown COVID-19. Di taon 2020, gabe hatop do moru polusi udara jala gabe ias ma udara ala godang pabrik na tutup jala holan saotik na mamboan kendaraan. Menurut sada laporan, a dang leleng dung lockdown gabe ummias do udara di piga-piga negara.

Sai didokkon pamaretta do asa diorui akka pabrik polusi udara. Jala sai berusaha do akka ilmuwan mambahen cara-cara na baru asa ias muse udara. Contohna dimanfaatton akka ilmuwan do mikroba lao mengubah polusi udara gabe zat na so berbahaya. Asing ni i, dijujui do akka halak asa mamakke peralatan na hemat energi di jabu, jala mardalan pat manang marsepeda daripada mamboan kendaraan.

Alai nang pe songon i, tong dope godang polusi udara. Taboto ma i sian laporan ni akka organisasi internasional taon 2022, songon Organisasi Kesehatan Dunia dohot Bank Dunia.

Dipaboa ma di laporan ni nasida, taon 2020 adong ma sapartolu jolma di portibi on na mangaloppa mamakke bahan bakar na boi mambahen polusi udara. Godang dope na so boi manuhor bahan bakar manang kompor na so mambahen polusi udara.

“On ma na nidok ni Jahowa Debata na sittong, Sitoppa langit . . . Debata na mambahen tano on dohot sude hasilna, Debata na mangalehon hosa tu sude jolma na di tano on.”—Jesaya 42:5.

Debata do na manoppa udara na tahirup jala na mangarancang siklus alami na mambahen ias udara i. Balga do huasona jala balga do holongna tu akka jolma. Alani i boi do pos rohatta na lao ias do annon bahenonna udara di tano on. Ida ma artikel “Janji ni Debata Taringot Tano on”.